មិនចង់ទិញរថយន្តមួយទឹកខកចិត្ត អ្នកជំនាញ ៣ នាក់ ប្រាប់បទពិសោធន៍

2017-11-28 02:18:36
ចំនួនមតិ 0 | ចំនួនចែករំលែក 0

ចន្លោះមិនឃើញ

ពុំសូវមានលុយ ច្រើនចង់ទិញរថយន្តមួយទឹកមកប្រើគួរទិញនៅឯណាដឹងពីចំណុចអ្វីខ្លះ? ហើយពេលទិញមកប្រើប្រាស់ត្រូវដឹងរបៀបថែទាំបែបណាខ្លះ ទើបមិនត្រូវរត់រកជាង និងចំណាយលុយជួសជុលគ្រប់ពេល?

ថ្ងៃនេះ Sabay សូមបង្ហាញពីគន្លឹះខ្លះៗដល់អ្នកទិញរថយន្តមួយទឹកប្រើប្រាស់ហើយមិនសូវរត់រកជាង៖

លោក ហេង ថាត ជាអ្នកគួកជេរថយន្តបានប្រាប់ Sabay ថាមុនទិញរថយន្តមួយទឹកអ្នកទិញគួរមានអ្នកជំនាញ ឬជាងជួសជុលរថយន្តទៅជួយមើលព្រោះរថយន្តមួយទឹកជារថយន្តដែលនាំចូលមកពីក្រៅដែលមានសភាពខូចខាតច្រើនដូចនេះម្ចាស់ការាស មុនពេលដាក់លក់តែងយករថយន្តទៅជួសជុល ឬប្ដូរគ្រឿងបង្គំផ្សេងៗ បើរថយន្តនេះខូចខ្លាំងអាចកាត់តតួរថយន្តនៅចំណុចណាមួយដែលមានតែអ្នកជំនាញទេដែលមើលដឹង។ លោកបន្តថា បើពិបាករើសនៅតាមការាសអ្នកអាចរកទិញតពីអ្នកដែល ប្រើប្រាស់រាល់ថ្ងៃដែលគេចង់លក់ចេញ ឬចង់ប្ដូរស៊េរីថ្មី ព្រោះថាជារថយន្តដែលយើងអាចស្គាល់ប្រវត្តិច្បាស់ និងអាចមានតម្លៃធូរថ្លៃផងដែរ។
ចំណែក លោក ងិន សុភាព ជាអ្នកមានបទពិសោធន៍មើលរថយន្តមួយទឹក បានណែនាំឲ្យអ្នកដែលចង់ទិញរថយន្តមួយទឹក គួរទៅរកទិញរថយន្តទម្លាក់ពីកុងតឺន័រផ្ទាល់ ព្រោះជាឱកាសដែលយើងអាចមើលដឹងថារថយន្តនេះខូចខាតបែបណាខ្លាំង ឬតិច និងទទួលបានគ្រឿងមកពីនាយដែលមិនអាចធ្វើឲ្យអ្នកនាំចូលរថយន្តនេះផ្លាស់ប្ដូរគ្រឿងបាន បន្ទាប់មកយើងគ្រាន់តែយកវាមកជួសជុលនូវចំណុចដែលខូចខាតនេះដោយខ្លួនឯង ដើម្បីបានរថយន្តល្អស្អាតអាចទទួលយកបាន។
ងាកមកលោក ហួន រ៉ាវី អ្នកមានបទពិសោធន៍ប្រើប្រាស់រថយន្តមួយទឹកបានប្រាប់ Sabay ថាទិញរថយន្តមួយទឹកមកប្រើមិនចង់រតរកជាញឹកទេ គួរថែទាំឲ្យបានច្រើន ដូចជាប្រញាប់យកទៅត្រួតពិនិត្យពេលលោតចេញសញ្ញា Check មើលកម្រិតប្រេងម៉ាស៊ីន ជាតិរំអិលហើយត្រូវដឹងពីរយះពេលប្ដូរចេញ ពិនិត្យមើលសំបកកង់បើដល់អាយុកាលហើយត្រូវតែប្ដូរចេញព្រោះវាអាចទាក់ទង់នឹងសុវត្ថិភាពការបើកបររបស់អ្នកផងដែរ ត្រូវមានកាលវិភាគយករថយន្តទៅត្រួតពិនិត្យ ឧស្សាហ៍លាងសម្អាតបើមិនដូច្នេះទេអាចធ្វើឲ្យគ្រឿងបង្គំរបស់រថយន្តអ្នកកាន់ស្នឹមឆាប់ច្រេះ និងពេលបើកបរគួរតែកំណត់ល្បឿនឲ្យបានច្បាស់ទោះស្ថិតក្នុងស្ថានភាព បែបណាជៀសវាងពេលបើកលឿនហើយឈប់ភ្លាម បើកបរខុសបច្ចេកទេសដែលធ្វើឲ្យប៉ះពាល់ដល់ប្រេង ប្រព័ន្ធម៉ាស៊ីន និងផ្នែកផ្សេងៗនៃរថយន្តរបស់អ្នក។