ជិះយន្តហោះរាល់ដងតិចអត់ដឹង ហេតុអ្វីគេប្រើកៅអីអង្គុយពណ៌ខៀវ?

2018-03-27 03:16:57
ចំនួនមតិ 0 | ចំនួនចែករំលែក 0

ចន្លោះមិនឃើញ

តើអ្នកធ្លាប់ចាប់អារម្មណ៍ដែរទេទៅលើពណ៌កៅអីអង្គុយលើយន្តហោះ? ពួកវាតែងតែមានពណ៌ខៀវ ហើយមានករណីលើកលែងតិចតួចបំផុត ដែលគេប្រើពណ៌ផ្សេងជំនួស។

មនុស្សមួយចំនួនសន្មតថា ពណ៌ខៀវនេះត្រូវបានគេជ្រើសរើស ព្រោះវារំលឹកយើងអំពីផ្ទៃមេឃ។ ប៉ុន្តែការពន្យល់មិនមែនសាមញ្ញបែបនោះទេ។

កៅអីអង្គុយពណ៌ខៀវនៅលើយន្តហោះ ត្រូវបានគេប្រើអស់ជាច្រើនទសវត្សរ៍មកហើយ។ បច្ចុប្បន្នក្រុមហ៊ុនអាកាសចរណ៍ទាំងអស់ ក៏ជ្រើសរើសយកពណ៌នេះដែរ។ បើយោងតាមអ្នកវិទ្យាសាស្ត្រជនជាតិអង់គ្លេស បានឲ្យដឹងថា មនុស្សភាគច្រើនប្រដូចពណ៌ខៀវទៅនឹង ភាពជឿជាក់ និង សុវត្ថិភាព ហើយវាពិតជាសំខាន់ខ្លាំងណាស់សម្រាប់អ្នកដំណើរលើយន្តហោះ។

ជាមួយគ្នានេះដែរ យោងតាមការស្រាវជ្រាវ បានឲ្យដឹងដែរថា ៩០ ភាគរយនៃមនុស្សធ្វើការសម្រេចចិត្តលើភាពទាក់ទាញនៃក្រុមហ៊ុនមួយ គឺ អាស្រ័យលើពណ៌ម៉ាក។

មិនតែប៉ុណ្ណោះ វាមានហេតុផលជាក់ស្ដែងមួយចំនួនទៀត ដូចជា ភាពកខ្វក់ , ស្នាមប្រឡាក់ និង ស្នាមកកិត គឺមើលមិនសូវឃើញឡើយនៅលើពណ៌ខៀវ។ លើសពីនេះទៅទៀត កៅអីអង្គុយពណ៌ខៀវ អាចប្រើបានរយៈពេលយូរជាង បើប្រៀបធៀបជាមួយកៅអីដែលមានពណ៌ស្រាលជាង៕