ពេទ្យជំនាញព្រមានថា ការម៉ាស្សាជើងដោយត្រី អាចឆ្លងជំងឺកាចសាហាវមិនគួរឲ្យជឿ

2018-03-26 07:55:39
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ អ្នកជំនាញសុខភាពព្រមានថា ការម៉ាស្សាជើងដោយត្រីអាចឆ្លងជំងឺកាចសាហាវផ្សេងៗដូចជា ជំងឺអេដស៍ និង ជំងឺថ្លើមប្រភេទ C ជាដើម។

ភ្នាក់ងារការពារសុខភាពរបស់រដ្ឋាភិបាលអង់គ្លេស និយាយថាអ្នកដែលមានជំងឺទឹកនោមផ្អែម, ជំងឺរបកស្បែក ឬខ្សោយប្រព័ន្ធភាពស៊ាំ មិនគួរទទួលការម៉ាស្សាដោយត្រីទេ ព្រោះពួកគេអាចឆ្លងជំងឺផ្សេងៗបានយ៉ាងងាយ។ លើសពីនេះទៀត ភ្នាក់ងារទាំងនោះជឿថា នៅក្នុងអាងត្រីគឺពោរពេញទៅដោយបាក់តេរី ដែលអាចចម្លងយ៉ាងងាយពីត្រីទៅកាន់ភ្ញៀវ ឬពីភ្ញៀវម្នាក់ទៅម្នាក់ទៀត ប្រសិនបើមិនមានការផ្លាស់ប្ដូរទឹកឲ្យបានទៀងទាត់។

ប្រសិនបើភ្ញៀវម្នាក់មានផ្ទុកមេរោគអេដស៍ ឬជំងឺរលាកថ្លើម ហើយមានការហូរឈាមនៅក្នុងទឹក នោះវានឹងមានហានិភ័យខ្ពស់ដែលជំងឺនេះនឹងឆ្លងទៅភ្ញៀវក្រោយៗទៀត។

យោងតាមអ្នកនាំពាក្យម្នាក់និយាយថា "យើងបានចេញនូវការណែនាំនេះ ដោយសារតែមានកំណើននៃការម៉ាស្សានេះយ៉ាងខ្លាំង។ ប៉ុន្តែប្រសិនបើពួកគេធ្វើតាមវិធីសាស្ត្រអនាម័យបានត្រឹមត្រូវ នោះហានិភ័យនៃការឆ្លងជំងឺមានតិចតួចបំផុត។"

ទោះយ៉ាងណាក៏ដោយ ភ្នាក់ងារសុខភាពបានណែនាំម្ចាស់អាជីវកម្មទាំងអស់ ឲ្យផ្លាស់ប្ដូរទឹកពីបន្ទាប់ពីអតិថិជនម្នាក់ៗម៉ាស្សារួច ដោយសារតែឧបករណ៍អុកស៊ីសែនមិនអាចសម្លាប់បាក់តេរីបានទេ៕

ចុចអាន ៖

ប្រភព៖ Dailymail ប្រែសម្រួល៖ រ័ត្ន