គ្រឿងចម្លែកប្រើជាមួយផលិតផល Apple ឃើញរួចសឹងដាច់ផ្ងារ

2018-03-27 03:29:50
ចំនួនមតិ 0 | ចំនួនចែករំលែក 0

ចន្លោះមិនឃើញ

ផលិតផល Apple ជាផលិតផលដែលពេញនិយមមួយ ហេតុនេះនាំឲ្យក្រុមហ៊ុនផលិតសម្ភារៈដទៃទៀត ព្យាយាមរិះរកសម្ភារៈសម្រាប់ប្រើជាមួយផលិតផល Apple ដើម្បីអាចបានផលប្រយោជន៍ខ្លះ។ សម្ភារៈពីរខាងក្រោមនេះមានលក្ខណៈចម្លែកបំផុត ដែលអាចឲ្យអ្នកហួសចិត្តពេលឃើញរួច ៖

១. កាបូបស្បែកសម្រាប់ដាក់ iMac ទំហំ ២៧ អ៊ីញ

ក្រុមហ៊ុន Lavolta បានផលិតកាបូបសម្រាប់ដាក់ iMac ទំហំ ២៧ អ៊ីញ ដែលមានផលិតពីស្បែក និងផលិតដោយដៃថែមទៀតផង។ កាបូបនេះអាចឲ្យអ្នកប្រើប្រាស់នាំយក iMac ដ៏ធំ ទៅកាន់ទីកន្លែងផ្សេងបានដោយងាយស្រួល ដែលវាមានដាក់លក់លើវិបសាយ Amazon ក្នុងតម្លៃ ៨១ ដុល្លារ។

២. កាបូបសម្រាប់ HomePod

សម្រាប់ក្រុមហ៊ុន Capra Leather វិញបានផលិតកាបូបសម្រាប់ប្រើជាមួយនឹង HomePod ដែលជាផលិតផលថ្មីចុងក្រោយរបស់ Apple។ កាបូបសម្រាប់វេចខ្ចប់ HomePod ទៅកន្លែងណាមួយនេះ មានដាក់លក់លើទីផ្សារសហរដ្ឋអាមេរិកក្នុងតម្លៃ ៨៩ ដុល្លារ ៕