ធ្លាប់ដឹងអត់? អេដា មានប្អូន២នាក់ទៀត ដែលកំពុងលេចធ្លោក្នុងវិស័យសិល្បៈ
- 2018-03-27 04:40:00
- ចំនួនមតិ 0 | ចំនួនចែករំលែក 0
ធ្លាប់ដឹងអត់? អេដា មានប្អូន២នាក់ទៀត ដែលកំពុងលេចធ្លោក្នុងវិស័យសិល្បៈ
ចន្លោះមិនឃើញ
អ្នកសម្រាប់អ្នកចូលចិត្តវិស័យចម្រៀងកម្ពុជាប្រាកដជាស្គាល់ហើយតារាចម្រៀង អេដា ដែលលេចដំបូងក្នុងវិស័យសិល្បៈដោយមានអាជីពជាឌីជេវិទ្យុ និងអ្នករ៉េប។ ក្នុងនោះប្រិយមិត្តមួយចំនួនប្រហែលជាមិនទាន់ដឹងទេថា ស្រីស្អាតវ័យ២៨ឆ្នាំរូបនេះ មានប្អូនស្រី២នាក់ទៀតដែលកំពុងលេចធ្លោក្នុងវិស័យសិល្បៈដូចគ្នា។
មានបងប្អូនស្រី៥នាក់ និងមិនធ្លាប់មានចាស់ទុំជាអ្នកសិល្បៈសោះ អេដា បានឲ្យដឹងថាពេលនេះ បុគ្គលក្នុងវង្សត្រកូលខ្លួនចំនួន៣នាក់ហើយដែលកំពុងឈរជើងលើវិស័យនេះ។ ជំនាញរបស់ពួកគេមានដូចជា៖
១. អេដា៖ ធ្លាប់ចាប់អាជីពជាពិធីការិនី ក្នុងប៉ុស្តិ៍វិទ្យុ។ សព្វថ្ងៃនាងកំពុងប្រឡូកក្នុងអាជីពជាចម្រៀង ដែលនិពន្ធដោយខ្លួនឯងជាមួយឧបករណ៍ហ្គីតា។
២. ពេជ្ជិ៖
កូនទី៣ក្នុងចំណោមបងប្អូនទាំង៥ ពេជ្ជិ បានមានជំនាញជានិពន្ធទំនុកច្រៀង និងទំនុកភ្លេង និងចេះលេងឧបករណ៍តន្ត្រីជាច្រើនប្រភេទដូចជា ហ្គីតា និងព្យាណូ។ សព្វថ្ងៃ ពេជ្ជិ កំពុងបម្រើការងារនៅផលិតកម្មហង្សមាស ដោយបទចម្រៀងដែលកវីរូបនេះទទួលបានការគាំទ្រខ្លាំងជាងគេ Dear Santa របស់ រ៉េត ស៊ូហ្សាណា "សុំជួបមុនបែក" ដោយ ឱក សុគន្ធ កញ្ញា និងបទចម្រៀងចុងក្រោយរបស់ សាន ស្រីឡៃ គឺ "រូបពីរជីវិតមួយ" ។ ក្រៅពីនេះគេក៏ធ្លាប់មានចម្រៀងផ្ទាល់ខ្លួនចំនួន៣បទដែរគឺ "ធ្លាប់បែបនេះទេ" “ឱកាសចុងក្រោយ" និង"មិនសុំបេះដូងវិញ"។
៣. អមរា៖
អមរា ហៅ Ama គឺជាកូនស្រីពៅត្រកូល ថុន ដែលទើបបង្ហាញមុខក្នុងវិស័យចម្រៀង។ នាងធ្លាប់ត្រូវបានទទួលស្គាល់បន្ទាប់ពីចេញចម្រៀងមួយបទជាមួយ អេដា ដែលមានចំណងជើងថា "ស្រលាញ់អូនគ្រាន់កំដរអារម្មណ៍" និងថ្មីៗនេះមានចម្រៀងទោលបទ "តួកម្សត់"៕