កុំប្រើដង Selfie ថតរូបឲ្យសោះ បើមិនចង់មានបញ្ហាទៅលេងតំបន់កម្សាន្តទាំងនេះ

2018-03-28 04:58:11
ចំនួនមតិ 0 | ចំនួនចែករំលែក 0

ចន្លោះមិនឃើញ

ដងថតរូប អាចជួយឲ្យអ្នកចាប់យករូបភាពបានទិដ្ឋភាពធំបានយ៉ាងល្អ ដែលមានការនិយមប្រើប្រាស់ និងយកតាមខ្លួនពេលធ្វើដំណើរក្នុងស្រុក ឬក្រៅស្រុក។ តែបើអ្នកមានបំណងចង់ទៅលេងតំបន់ទាំង ៥ នេះគួរទុកដងថតរូបនៅផ្ទះកុំប្រើល្អជាង។

ក្រុង Pamplona ប្រទេសអេស្ប៉ាញ ព្រឹត្តិការណ៍រត់ប្រណាំងជាមួយសត្វគោ (Bulls)

ព្រឹត្តិការណ៍រត់ប្រណាំងនេះទាមទារ ការផ្ដោតអារម្មណ៍ពេញលេញពីអ្នកចូលរួមរត់ ក៏ដូចជាអ្នកទស្សនាក្បែរៗនោះផងដែរ ដូច្នេះប្រហែលជាមិនមានពេលសម្រាប់ថតរូបខ្លួនឯងនឹងទិដ្ឋភាព ដោយមានសត្វគោដេញជុលមិនច្បាស់ពីទិសដៅនោះទេ។

អ្នកចូលរួមជាច្រើនបានថតរូប Selfie ជាមួយទិដ្ឋភាពទាំងនោះ ដែលអាចប្រឈមនឹងគ្រោះថ្នាក់ ដោយការភ្លេចខ្លួន។ បញ្ហានេះធ្វើឲ្យមន្ត្រីក្នុងតំបន់ចេញច្បាប់មិនអាចថតរូប Selfie កំឡុងពេលរត់។

ក្រុង Mecca ប្រទេស Saudi Arabia

ក្រុង Mecca ប្រទេស Saudi Arabia មានតំបន់ដ៏ពិសិដ្ឋមួយ ទាក់ទាញអ្នកចូលរួមបន់ស្រន់រាប់លាននាក់ រៀងរាល់ឆ្នាំ។

អ្នកដឹកនាំការបួងសួងក្រើនរំលឹកថា ការថតរូប Selfie អាចប៉ះពាល់ដល់វិញ្ញាណបរិសុទ្ធ នៅតំបន់ដ៏សាកសិទ្ធនេះ។ ហើយប៉ូលីស និងអ្នកយាមនឹងស្នើឲ្យយកដង Selfie ចេញ។

វិហារ Sistine ក្រុង Vatican

នៅលើពីដានវិហារ មានរូបគំនូរជាច្រើន ប៉ុន្តែមានតែអ្នកថតរូបត្រូវបានអនុញ្ញាតប៉ុណ្ណោះអាចផ្ដិតយករូបភាពបាន។

បើអ្នកកាន់ដង Selfie ចូលប្រហែលជាត្រូវដើរចេញវិញត្រឹមខ្លោងទ្វារ។

ឆ្នេរ Garoupe ប្រទេសបារាំង

ពេលរដូវការកំណើនអ្នកទេសចរណ៍ច្រើន មន្ត្រីសុវត្ថិភាពពិសេស នឹងយាមកាមតាមឆ្នេរ ដើម្បីប្រាកដថាមិនមានការថត Selfie តាមតំបន់ជាក់លាក់ណាមួយ។ ជារួម អ្នកអាចប្រើដងថតរូបនៅឆ្នេរសមុទ្រផ្សេងបាន តែមិនមែន Garoupe នោះទេ។

សារមន្ទីរជាច្រើនលើសកលលោក

សារមន្ទីរជាច្រើនជុំវិញសកលលោក បានហាមប្រាណមិនឲ្យប្រើប្រាស់ដង Selfie ដើម្បីការពារការប្រមូលយកសិល្បៈផ្សេងៗ និងការធ្វេសប្រហែសប៉ះពាល់នឹងសមាសធាតុមានខាងក្នុងពេលដកដងប្រើ៕