ខឹងចោរលួចពេក សម្រេចដាក់កាមេរ៉ាមុខផ្ទះ តែចុងក្រោយទទួលលទ្ធផលហួសចិត្តបំផុត

2018-03-29 03:07:40
ចំនួនមតិ 0 | ចំនួនចែករំលែក 0

ចន្លោះមិនឃើញ

បុរសជនជាតិ ឥណ្ឌាម្នាក់បានសម្រេចចិត្តដំឡើងកាមេរ៉ាសុវត្ថិភាពនៅមុខផ្ទះ ក្រោយចោរអំបុកចោរអំបែងឧស្សាហ៍លួចក្រណាត់ជូតជើងនៅមាត់ទ្វារពេក។

លោក Senthil Nathan ម្ចាស់ផ្ទះក្នុងទីក្រុង Chennai ប្រទេស ឥណ្ឌាបានត្អូញត្អែរថា ចោរដ៏អាថ៌កំបាំងនេះតែងលួចរបស់មិនមានតម្លៃមួយចំនួនដូចជាប្រដាប់ជូតឥដ្ឋ និងក្រណាត់ជូតជើងជាដើម។ បុរសរូបនេះបន្ដថា លោកពិតជាឆ្ងល់ខ្លាំងណាស់ហេតុអ្វីបានជាចោរនេះលួចតែរបស់ថោកៗ និងមិនមានតម្លៃបែបនេះ។

ដោយសារតែលោក Senthil ស្នាក់នៅក្នុង Apartment ជាន់ផ្ទាល់ដី លោកក៏សម្រេចចិត្តដំឡើងកាមេរ៉ាសុវត្ថិភាពដើម្បីស្គាល់មុខចោរដែលតែងលួចរបស់របរកំប៉ិកកំប៉ុកបែបនេះ។ រយៈពេលពីរបីថ្ងៃក្រោយមក ក្រណាត់ជូតជើងថ្មីរបស់លោកបានបាត់ម្ដងទៀត ហើយលោកក៏បានពិនិត្យមើលវីដេអូក្នុងកាមេរ៉ាសុវត្ថិភាព។

ក្រោយពេលមើលវីដេអូនោះហើយ លោក Senthil មានការហួសចិត្តជាខ្លាំង ដោយសារតែការពិតទៅចោរទាំងនោះ គឺជាឆ្កែអនាថាដែលខាំទាញក្រណាត់ជូតជើងរបស់លោក ទៅក្រាលដេកនៅលើផ្លូវតែប៉ុណ្ណោះ៕