ចម្លែកបំផុត! រដ្ឋឥណ្ឌា ផ្តល់សេវាពង្រីកដើមទ្រូងឥតគិតថ្លៃ ដល់បុរសស្រ្តីក្នុងតំបន់ក្រីក្រ

2018-02-28 01:46:50
ចំនួនមតិ 0 | ចំនួនចែករំលែក 0

ចន្លោះមិនឃើញ

Tamil Nadu គឺជារដ្ឋក្រីក្រមួយនៅភាគខាងត្បូងប្រទេសឥណ្ឌា ដែលត្រូវបានផ្ដល់សេវាពង្រីកដើមទ្រូងឥតគិតថ្លៃដល់បុរស និងស្ត្រីរាប់ពាន់នាក់ ដើម្បីបង្កើនទំនុកចិត្តរបស់ពួកគេ។

ដោយជឿជាក់ថាសកម្មភាពនេះប្រហែលអាចលុបបំបាត់ភាពក្រីក្រ មន្ត្រីសុខាភិបាលឥណ្ឌា កំពុងកំណត់គោលដៅលើប្រជាជនក្រីក្រ ដោយអះអាងថា ពួកគេក៏មានសិទ្ធិស្រស់ស្អាត ដែរ។

គំនិតផ្ដួចផ្ដើមដ៏ចម្លែកនេះត្រូវបានធ្វើឡើង នៅឯមហាវិទ្យាល័យវេជ្ជសាស្ត្រ Stanley Medical College and Hospital ស្ថិតក្នុងទីក្រុង Chennai។ ទោះបីជាយ៉ាងណា សកម្មភាពនេះមិនបានធ្វើឲ្យអ្នកស្រុកមានការភ្ញាក់ផ្អើលខ្លាំងក្លានោះទេ ដោយសារតែរដ្ឋខាងលើធ្លាប់បានចែកកុំព្យូទ័រយួរដៃ , កង់ និង ពពែ រួមទាំងរបស់ផ្សេងៗទៀតយ៉ាងច្រើនសន្ធឹកសន្ធាប់។

កាសែត The Times of India បានស្រង់សម្ដីរដ្ឋមន្ត្រីសុខាភិបាលឥណ្ឌា លោក Vijaya Baskar និយាយថា «ហេតុអ្វីបានជាវាមិនគួរមានសម្រាប់ជនក្រីក្រ? ប្រសិនបើយើងមិនផ្ដល់ឲ្យទេ ពួកគេប្រហែលអាចជ្រើសរើសយកវិធីសាស្ត្រដ៏គ្រោះថ្នាក់ ឬ ខ្ចីលុយគេច្រើនដើម្បីយកទៅពង្រីកដើមទ្រូង»។

យ៉ាងណាមិញ មតិរិះគន់ជាច្រើនបានលើកឡើងថា រដ្ឋាភិបាលគួរតែសន្សំលុយទាំងនោះដើម្បីព្យាបាលជំងឺធ្ងន់ធ្ងរវិញ។

គួរបញ្ជាក់ថា រដ្ឋ Tamil Nadu ស្ថិតនៅលំដាប់ថ្នាក់កំពូលក្នុងចំណោមប្រព័ន្ធថែរក្សាសុខភាពសាធារណៈរបស់ឥណ្ឌា។ ក្រៅពីវះកាត់សុដន់ មន្ទីរពេទ្យ Stanley Hospital ក៏ផ្ដល់សេវាកម្មវះកាត់បបូរមាត់ឆែប និង ការវះកាត់ប្ដូរដៃដោយឥតគិតថ្លៃផងដែរ។ នៅក្នុងឆ្នាំ ២០១៦ ការវះកាត់ជិត ៩៣ ០០០ ត្រូវបានធ្វើឡើងនៅក្នុងប្រទេសឥណ្ឌា៕

ចុចអាន៖

ប្រភព៖ Nexshark ប្រែសម្រួល៖ សេង ឡុង