ពិតជាអស្ចារ្យមែន! កងទ័ពជាង២០០នាក់ នឹងដាក់ចូលក្នុងពិធីការ នៃពិធីរៀបអភិសេករបស់ព្រះអង្គម្ចាស់ Harry

2018-03-29 13:12:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ខាងវិមាន Kensington បានឲ្យដឹងនៅថ្ងៃពុធនេះថា ក្នុងពិធីអាពាហ៍ពិពាហ៍របស់ព្រះអង្គម្ចាស់ Harry នឹងប្រារព្ធឡើងនៅថ្ងៃទី១៩ ខែឧសភានេះ ហើយលក្ខណៈពិសេសនៃពិធីដ៏អធឹកអធមនេះគឺតម្រូវឲ្យអ្នករត់តុទាំងប្រុសទាំងស្រីតុបតែងស្លៀកឈុតកងទ័ពអង់គ្លេសទាំងអស់គ្នា។

តាមសេចក្តីថ្លែងការណ៍ពីវិមាននេះក៏បានបញ្ជាក់ផងដែរថា "កងវរសេនាតូច និងអង្គភាពដែលមានទំនាក់ទំនងពិសេសជាមួយព្រះអង្គម្ចាស់ Harry នឹងមកផ្តល់ការគាំទ្រនៅឯពិធីអាពាហ៍ពិពាហ៍នេះតែម្ដង ហើយក្នុងអំឡុងពេលនៃការធ្វើដំណើរតាមរទេះរុញតាមសំណើរបស់វិមាន Kensington" ។

"សមាជិកកងកំលាំងប្រដាប់អាវុធជាង២៥០ នាក់នឹងបំពេញកាតព្វកិច្ចក្នុងពិធីអាពាហ៍ពិពាហ៍នេះ។" នេះជាការឲ្យដឹងពីខាងវិមាន Kensington ។

ខាងក្រោមនេះគឺជាការឲ្យដឹងលម្អិតនៃការរៀបចំពិធីដ៏អស្ចារ្យនេះ ពីខាងវិមាន Kensington !

ខណៈពេលដែល Trumpeters និង Captain's Escort ចាប់ផ្ដើមប្រារព្ធពិធី នោះសមាជិកនៃទ័ពសេះក្នុងគ្រួសារត្រូវឈរតម្រង់ជួរតាមជណ្តើរនៅព្រះវិហារ St. George's Chapel ដែលជាកន្លែងដែលគូស្វាមីភរិយាធ្វើពិធីមង្គល។

ចំណែកឯអង្គភាពនិងកងទ័ពដែលមានទំនាក់ទំនងផ្ទាល់ជាមួយព្រះអង្គម្ចាស់ Harry ដូចជា សមាជិកកងកម្លាំងឆ្មាំកាំជណ្តើរ Windsor ចាប់ពីកងវរសេនាតូចអៀរឡង់ទី១, កងនាវាចរ, កងនាវាចរតូចៗ និងកងនាវាចរមុជទឹកកងវរសេនាធំទ័ពអាកាសទាំង៣, កងរាជអាវុធហត្ថរាជវង្ស និង RAF Honington គឺត្រូវឈរនៅតាមដងវិថីនៃទីក្រុង Windsor។

គួរបញ្ជាក់ផងដែរ សម្រាប់តួឯកក្នុងពិធីមង្គលនេះ បើទោះជាមិនមានការបង្ហើបពីសំលៀកបំពាក់របស់ព្រះអង្គម្ចាស់ Harry ក៏មានគេរំពឹងថាទ្រង់នឹងស្លៀកពាក់ឯកសណ្ឋានយោធានៅក្នុងពិធីអាពាហ៍ពិពាហ៍នេះផងដែរ ព្រោះកាលពីពិធីអាពាហ៍ពិពាហ៍របស់ព្រះអង្គម្ចាស់ William នៅឆ្នាំ២០០១១ កំលោះក៏ស្លៀកឯកសណ្ឋានយោធាដែរ។

តោះ! រង់ចាំមើលពិធីដ៏ពិសេសអស្ចារ្យនេះទាំងអស់គ្នា!

ប្រភព៖ etonline ប្រែសម្រួល៖ ម៉េង សុខហួយ