៤ ចំណុច លើ Apple Maps អាចធ្វើស៊ី Google Maps បាន

2018-03-30 02:27:55
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធី Google Maps ធ្វើការងារបានយ៉ាងល្អ ឃើញលើស្មាតហ្វូនភាគច្រើន សូម្បីតែលើ iPhone។ តែ កម្មវិធី Apple Maps ក៏មានចំណុចគួរឲ្យចាប់អារម្មណ៍ខ្លះលើ Google Maps ផងដែរ។ ៤ ហេតុផលនេះល្មមអាចឲ្យអ្នកប្រើ Apple Maps ជំនួសឲ្យ Google Maps ឬប្រើទាំងពីរតែម្ដង លើ iPhone។

១. មុខងារ Flyover mode

Google Maps មាន Street View ខណៈ Apple Maps មាន Flyover ជាមុខងារល្អបំផុតរបស់ Apple Maps។ វាអាចឲ្យអ្នកពិនិត្យមើលទិដ្ឋភាពជាលក្ខណៈ 3D មានអារម្មណ៍ដូចនឹង VR ដោយសារ Flyover អាចឲ្យអ្នកទាញបង្វែរមើល និងធ្វើដំណើរតាមក្រុងជាច្រើនលើពិភពលោក។

អ្នកអាចស្រាវជ្រាវមើលទីក្រុង ហើយអ្នកនឹងឃើញប៊ូតុង Flyover បើក្រុងនោះអាចប្រើមុខងារនេះបាន។

២. ទិដ្ឋភាព 3D

ទិដ្ឋភាពពីលើក្បាល មិនតែងតែជាមុំល្អសម្រាប់ ពិនិត្យមើលទិសដៅនោះទេ។ ក្នុងក្រុងមានអាគារខ្ពស់ៗ ដូច្នេះទិដ្ឋភាព 3D ផ្ដល់ភាពងាយស្រួលក្នុងការមើលពីទីតាំងមួយ ទៅទីតាំងមួយ។

ក្នុងកម្មវិធី Google Maps អ្នកអាចប្រើទិដ្ឋភាព Satellite និងអូសឡើងលើបន្តិចជាមួយម្រាមដៃពីរ ដើម្បីទទួលបានទិដ្ឋភាពមានលក្ខណៈ 3D បន្តិច។ ក្នុងកម្មវិធី Apple Maps មិនមានទិដ្ឋភាព Satellite នោះទេ តែពេលអ្នកអូសឡើងលើ ជាមួយម្រាមដៃពីរ អ្នកចូលទៅកាន់ 3D mode បង្ហាញអាគារជាលក្ខណៈ 3D។

៣. ផែនទីប្រលានយន្តហោះមានភាពល្អប្រសើរ

Google Maps និង Apple Maps អាចបង្ហាញច្រកចេញចូលក្នុងប្រលាន តែ Apple Maps បំពេញការងារល្អជាង ដោយអ្នកអាចច្រោះផែនទី ដើម្បីស្វែងរកព័ត៌មានអ្នកចង់បាន ដូចជាច្រកចេញចូល ផ្លូវ កន្លែងដាក់កាបូប អាហារដ្ឋាន ឬបន្ទប់សម្រាក។ Google Maps អាចត្រឹមពង្រីកមើល រហូតអ្នកប្រហែលជារកឃើញ។

៤. អាកាសធាតុ

Google Maps បង្ហាញលក្ខខណ្ឌអាកាសធាតុបច្ចុប្បន្ន សម្រាប់ទីក្រុង អ្នកស្វែងរក ខណៈ Apple Maps បង្ហាញដូចគ្នា សម្រាប់ទីក្រុង និងចំណុចសំខាន់ ដោយមានសីតុណ្ហភាពក្នុង icon តូចមួយនៅខាងក្រោមផ្នែកខាងស្ដាំ។ អ្នកអាចចុចថ្នមៗលើ icon អាកាសធាតុ ដើម្បីឃើញព័ត៌មានបន្ថែម រួមទាំងការព្យាករណ៍រយៈពេល ៥ ម៉ោង។ ពេលអ្នកចុចសង្កត់ខ្លាំង Apple Maps នឹងបើកកម្មវិធី Weather បង្ហាញពេញលេញ ជាមួយការព្យាករណ៍ ៩ ថ្ងៃ៕

-->ឱកាសការងារនៅ Sabay៖

Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW
Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N