LG សួរអ្នកគាំទ្រយល់យ៉ាងម៉េច ចំពោះទូរសព្ទក្បាលឆក

2018-03-30 02:53:42
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីម្សិលមិញនេះក្រុមហ៊ុន OnePlus បានចេញមុខបញ្ជាក់ថា OnePlus 6 ដែលគ្រោងនឹងបង្ហាញខ្លួនឆាប់ៗខាងមុខនេះ មានរចនាបថអេក្រង់ឆកមួយដុំ ស្រដៀងគ្នានឹង iPhone X ដែរ។

រូបរាងដែលគេយល់ថាជា LG G7

ក្រោយពី OnePlus បានបង្ហាញការគាំទ្រចំពោះរចនាបថឆកបែបនេះ LG ក៏ចាប់ផ្ដើមជ្រួលច្របល់នឹងរចនាបថនេះដូចគ្នា ដោយបានសាកសួរមតិអ្នកគាំទ្រតាមរយៈវិបសាយ Reddit។ នៅលើវិបសាយ Reddit គណនីមួយដែលផ្នែក Support របស់ LG បានបង្ហោះសំនួរថា ៖

“យើងបានយើងការបញ្ចេញមតិជាច្រើនជុំវិញអេក្រង់ឆកនៅរយៈពេលប៉ុន្មានសប្ដាហ៍ចុងក្រោយនេះ ។ យើងចង់បានការបញ្ចេញមតិបន្ថែមទៀតដើម្បីចែករំលែកដល់ក្រុមការងារផ្នែកស្រាវជ្រាវ និង អភិវឌ្ឍរបស់យើង ហើយនេះជាពេលវេលារបស់អ្នកទាំងអស់គ្នា។ ដូចនេះ...អ្នកគិតបែបណា? ស្រឡាញ់អេក្រង់ឆក ឬ យ៉ាងណា?”។

LG G7 ដែលបង្ហាញខ្លួននៅ MWC ឆ្នាំ ២០១៨

គួរដឹងថាកន្លងមកមានការលេចធ្លាយរូបរាង LG G7 ជាច្រើនលើក ច្រើនសា និងធ្លាប់លេចរូបរាងក្នុងកម្មវិធី MWC ឆ្នាំ ២០១៨ កន្លងមក ដែលមានរចនាបថអេក្រង់ឆក។ ប៉ុន្តែចំពោះការឆ្លើយតបជាមួយសំនួរខាងលើ មានមតិភាគច្រើនមិនពេញចិត្តនឹងរចនាបថឆក។ ដូចនេះ LG អាចនឹងផ្លាស់ប្ដូរចិត្តចំពោះរចនាបថឆកនេះ ក៏ថាបាន៕

ប្រភព៖ GSMarena ប្រែសម្រួល៖ សុខហេង