iOS 11ស៊ីថ្មខ្លាំងអត់ដឹងមូលហេតុ តិចនិកនេះជួយបាន!

2018-04-01 03:30:00
ចំនួនមតិ 0 | ចំនួនចែករំលែក 0

ចន្លោះមិនឃើញ

វិធីនេះអាចអនុវត្តចាប់ពី iPhone 5 ឡើងទៅ ត្បិតល្បឿនក្រោយកែប្រែអាស្រ័យតាមម៉ូដែល តែក៏រួមចំណែកបង្កើនរយៈពេលប្រើប្រាស់ផងដែរ បើមិនចង់ប្ដូរថ្មថ្មី។ ការកែប្រែ Settings ធម្មតាៗមួយចំនួន ជួយសម្រួលបន្ថយការប្រើថាមពលថ្ម។

១)បិទមុខងារ Raise to Wake លើ iPhone

បើអ្នកប្រើ iPhone SE, iPhone 6s, iPhone 7 និងជំនាន់ក្រោយៗ មានមុខងារ Raise to Wake ដែលបានបើកដំណើរការជាស្រេច។

បញ្ហាត្រង់ថា បើអ្នកលើកទូរសព្ទច្រើនដង ឬដើរកាន់រេចុះឡើង អេក្រង់ iPhone នឹងបើកជាញឹកញាប់។

អ្នកអាចបិទមុខងារ Raise to Wake នេះ ដោយចូលទៅកាន់ Settings > ចុចលើ Display & Brightness > ស្វែងរកត្រង់ពាក្យ Raise to Wake និងចុចប៊ូតុងក្បែរនោះដើម្បីបិទ។

២) ធ្វើកំណែទម្រង់រាល់កម្មវិធីកំពុងប្រើ (Update App)

ជាធម្មតា អ្នកអភិវឌ្ឍន៍កម្មវិធី នឹងធ្វើកំណែទម្រង់ស្របតាមជំនាន់ iOS។ បើអ្នកមិនទាន់ធ្វើកំណែទម្រង់កម្មវិធីអស់ទេ គួរចាប់ផ្ដើម ដោយសារកម្មវិធីអ្នកកំពុងប្រើជាផ្នែកមួយដ៏សំខាន់ក្នុងការប្រើថាមពលថ្ម។

អ្នកចូលទៅកាន់ App Store > ចុចលើប៊ូតុង Updates ខាងក្រោមផ្នែកខាងស្ដាំអេក្រង់ > ចុចលើ Update All នៅជ្រុងលើខាងស្ដាំ។

៣)កាត់បន្ថយចំនួន Widgets លើ Lock Screen

Widgets អាចឲ្យអ្នកមើលព័ត៌មានបានរហ័ស ដូច្នេះអាកាសធាតុជាដើម តែបានប្រើថាមពលថ្មច្រើនដែរ ក្នុងការរក្សាព័ត៌មានចុងក្រោយ។

បើថ្មលើ iPhone អ្នកប្រើឆាប់អស់ អ្នកគួរដកចោល Widgets មិនចាំបាច់។

ដើម្បីចូលទៅកាន់ផ្ទាំង Widget ពី Lock Screen ចុចលើអេក្រង់អូសទៅស្ដាំ។ ហើយក្នុងការលុប អ្នកអូសចុះក្រោមបំផុត ត្រង់ផ្ទាំង Widget > ចុចលើ Edit > អ្នកត្រូវការ Unlock ទូរសព្ទ ដើម្បីធ្វើការផ្លាស់ប្ដូរ (ករណីអ្នកមិនទាន់ Unlock) > ចុចលើរង្វង់ពណ៌ក្រហមក្បែរនឹងឈ្មោះ Widgets ដើម្បីលុបចេញ > អ្នកនឹងឃើញប៊ូតុង Delete > ចុច Delete > ចុច Done។

៤) បិទបើកទូរសព្ទ

វិធីនេះនិយមប្រើជាងគេ ពេលទូរសព្ទគាំង ឬដំណើរការយឺត ខណៈមានឥទ្ធិពលតិចតួចលើការសម្រួលថាមពលថ្ម។

អ្នកចុចប៊ូតុង Sleep ឬ Wake រហូតឃើញប្រអប់ Slide to Power Off លើអេក្រង់ > ចុចអូសដើម្បីបិទ > ចុចប៊ូតុង Sleep ឬ Wake ឲ្យជាប់ដើម្បីបើកទូរសព្ទវិញ។

៥) បិទមុខងារ Background App Refresh

Background App Refresh ធ្វើការ Refresh កម្មវិធីផ្សេងៗក្នុង Background មានន័យថាកម្មវិធីនៅបន្តធ្វើការសូម្បីតែអ្នកមិនកំពុងប្រើ។ មុខងារនេះ ជួយសន្សំពេលវេលាបង្ហាញព័ត៌មានចុងក្រោយ ត្រៀមជាស្រេចក្នុង Background។

តែការអនុញ្ញាតឲ្យរាល់កម្មវិធី នៅបន្តដំណើរការក្នុង Background អាចបង្កើនកម្រិតប្រើប្រាស់ថាមពលថ្មបាន។

អ្នកគួរបិទមុខងារនេះ ដោយចូលទៅកាន់ Settings > ចុចលើ General > ចុចលើ Background App Refresh > ចុចបិទប៊ូតុងក្បែរ Background App Refresh។

បើអ្នកកំពុងប្រើ iOS 11 អ្នកត្រូវការចុចលើ Background App Refresh ជំនួសឲ្យប៊ូតុងក្បែរនោះ ដោយអ្នកអាចជ្រើសរើស Background App Refresh > ជ្រើសរើសបិទ ឬប្រើពេលភ្ជាប់ Wi-Fi ឬប្រើគ្រប់ពេល។

៦) កំណត់ Location Services ទៅ Only While Using the App

កម្មវិធីជាច្រើនចង់ដឹងព័ត៌មានទីតាំងអ្នក ក្រោមហេតុផលផ្សេងៗដើម្បីបម្រើឲ្យមុខងារក្នុងកម្មវិធី តែក៏មិនចាំបាច់ឲ្យព័ត៌មានចេញទៅ ពេលអ្នកមិនប្រើកម្មវិធីនោះឡើយ។

អ្នកអាចជ្រើសរើសកំណត់ប្រើប្រាស់ទីតាំងអ្នក ដូចជា Always, Only While Using the App ឬ Never។

អ្នកចូលទៅកាន់ Settings > ចុចលើ Privacy > ចុចលើ Location Services > ជ្រើសរើសកំណត់លើកម្មវិធីណាមួយ > ជ្រើសរើស ពេលចង់ឲ្យ Location Services អាចប្រើបាន។

៧) ដាក់ iPhone ផ្កាប់ចុះ

ពេល iPhone ផ្ងារ អេក្រង់ភ្លឺពេលអ្នកទទួលបាន Notification ហើយបើអ្នកទទួលច្រើន នឹងចំណាយថាមពលថ្មច្រើន និងពេលវេលា ធ្វើឲ្យអ្នកចង់ឆ្លើយឆ្លង។

អ្នកគួរដាក់ iPhone ផ្កាប់លើតុ ដែលជួយដល់ថាមពលថ្ម ដោយសារ iPhone នឹងមិនលោតពន្លឺឡើងទេ ពេលទទួលបាន Notification។

៨) បើកដំណើរការមុខងារ Low Power Mode

បើអ្នកនៅត្រូវការប្រើ iPhone យូរ ខណៈថ្មសល់ត្រឹម 30% មុខងារនេះអាចជួយសន្សំថាមពលថ្មបាន។

អ្នកអាចប្រើ Siri ដោយចុចប៊ូតុង Home ឲ្យជាប់ ហើយនិយាយ Siri, Turn on Low Power Mode ឬអ្នកចូលទៅកាន់ Settings > ចុចលើ Battery > ចុចប៊ូតុងបើកក្បែរនឹង Low Power Mode។

iOS 11 អាចបន្ថែម Low Power Mode ទៅកាន់ Control Center ដែលផ្ដល់ភាពងាយស្រួលក្នុងការប្រើប្រាស់។ អ្នកចូលទៅកាន់ Settings > ចុចលើ Control Center > ចុចលើ Customize Controls > អ្នកអាចបន្ថែម ឬលុប ធ្វើដូចនឹង Widget ដែរ។

៩) បើកមុខងារ Reduce Motion

Animation មានក្នុងកម្មវិធីនានា ផ្ដល់ភាពទាក់ទាញដល់អ្នកប្រើប្រាស់ តែចំណាយថាមពលថ្មច្រើនគួរសមដែរ។

អ្នកអាចបើកមុខងារ Reduce Motion ដោយចូលទៅកាន់ Settings > ចុចលើ General > ជ្រើសរើស Accessibility > ចុចលើ Reduce Motion > ចុចបើកប៊ូតុងក្បែរ Reduce Motion។

១០) បើក Airplane Mode នៅទីតាំងអត់សេវា

ពេលអ្នកនៅតំបន់គ្មានសេវា ឬមានតិចតួចមិនអាចទាក់ទងបាន គួរបញ្ឈប់ iPhone ក្នុងការស្វែងរករលកសញ្ញា ដែលនឹងចំណាយលើថាមពលថ្មមួយផ្នែកទៀត។

អ្នកចុចលើអេក្រង់ខាងក្រោមអូសឡើងលើ ដើម្បីបើក Control Center > ចុចលើ icon រូបយន្តហោះ ដែលជា Airplane mode។ ពេលអ្នកនៅតំបន់មានសេវាវិញ ធ្វើដូចគ្នា ហើយបិទ Airplane mode វិញ៕

-->ឱកាសការងារនៅ Sabay៖

Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW
Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N