អស់ពាក្យនឹងថ្លែង! ល្បិចគេចពន្ធទូរសព្ទនៅប្រទេសចិនសាហាវដល់ថ្នាក់ហ្នឹង

2018-04-02 08:35:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ការគេចពន្ធទូរសព្ទ ពីទឹកដីហុងកុង ចូលក្នុងប្រទេសចិនដីគោកមិនមែនជារឿងថ្មីឡើយ។ តែវិធីដែលឈ្មួញទុច្ចរិតប្រើកាន់តែមានភាពច្នៃប្រឌិតខ្ពស់ សឹងថាមិនសរសើរមិនបាន។

មានរឿងហេតុដែលទើបកើតឡើងកាលពីប៉ុន្មានថ្ងៃមុន ដែលប៉ូលិសព្រំដែនចិនដីគោក និងហុងកុង បានរកឃើញ Drone និងខ្សែលួសមួយចំនួន ដែលឈ្មួញប្រើដើម្បីលួចគេចពន្ធទូរសព្ទខុសច្បាប់។

ក្រុមឈ្មួញទុច្ចរិតប្រើប្រាស់ខ្សែលួសប្រវែង ២០០ម ប្រើភ្ជាប់ Drone បញ្ជាឲ្យហោះកាត់របងព្រំដែនទៅខាងដីហុងកុង។ ពេលទៅដល់ គេចងស្បោងទូរសព្ទ iPhone ដែលជួសជុលរួច (Refurbished iPhone) ប្រហែលពី ១០ ទៅ ២០គ្រឿង ដោយបញ្ជា Drone ហោះឡើងហើយរំអិលពីលើខ្សែលួសដើម្បីធ្លាក់ទៅដីខាងចិនដីគោក។

ខាងក្រោមនេះជារូបគូរបង្ហាញខ្លីៗ នៃដំណើរការនៃការគេចពន្ធទូរសព្ទនេះ៖

តាមការសន្និដ្ឋានរបស់ប៉ូលីស ក្នុងរយៈពេលមួយយប់ ឈ្មួញអាចគេចពន្ធទូរសព្ទបានដល់ទៅជាង ១៥ ០០០ គ្រឿងតាមវិធីនេះ។ នេះជាវិធីច្នៃប្រឌិត ដ៏ឆ្លាតវាងវៃរបស់ឈ្មួញទុច្ចរិត ដែលប៉ូលីសវិះតែនឹងតាមមិនទាន់៕

Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY
Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW
Sabay ត្រូវការរើស Accounting Manager ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/AsCd4N

ចុចអាន៖

ប្រភព៖ Techcrunch ប្រែសម្រួល៖ ផាត សុវត្ថិ