មកស្គាល់បងប្អូនបង្កើតរបស់សមាជិកក្រុម BLACKPINK ទាំងអស់គ្នា

2018-04-03 01:51:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ជាអ្នកគាំទ្ររបស់ក្រុម BLACKPINK គ្រប់គ្នាច្បាស់ជាដឹងច្បាស់ថា ពួកគេមានសម្រស់ស្រស់ស្អាត និងគួរឲ្យស្រឡាញ់យ៉ាងណា។ ស្របពេលជាមួយគ្នានោះ ក៏មានប្រិយមិត្តជាច្រើន ចង់ជ្រាបថា តើបងប្អូនរបស់សមាជិកក្រុមចម្រៀងមួយនេះ មានមុខមាត់យ៉ាងណាខ្លះទៅ? ដូចនេះ សូមទស្សនាដូចខាងក្រោម៖

១. បងស្រីរបស់ Rosé ឈ្មោះ Alice Park

នៅពេលរូបភាពរបស់បងស្រីរបស់ Rosé ត្រូវបានបង្ហាញពាសពេសបណ្ដាញអ៊ីនធឺណិត អ្នកគាំទ្រក្រុមមួយចំនួនស្ទើរមិនជឿថា នាងមានមុខដូច Jisoo ជាង Rosé ទៅទៀត។

Jisoo និង Alice

Alice បានសិក្សាផ្នែកច្បាប់ នៅសាកលវិទ្យាល័យ Australian national University ក្នុងរដ្ឋធានី Canberra ក្នុងប្រទេសអូស្ត្រាលី។

២. បងប្រុសរបស់ Jisoo

Jisoo សមាជិកអាយុច្រើនជាងគេរបស់ក្រុម BLACKPINK គឺកូនពៅនៅក្នុងគ្រួសារ។ ទោះបីរូបថតរបស់បងៗរបស់ តារាស្រីរូបនេះ មិនមាននៅលើបណ្ដាញអ៊ីនធឺណិត ប៉ុន្តែ Jisoo ក៏រម្លឹកអនុស្សាវរីយ៍ជាមួយបងប្រុសកាលពីក្មេងដែរ។ កាលនោះ ពួកគេតែងលេងឡានជ័រជាមួយគ្នាយ៉ាងរីករាយ ហើយនាងគឺជាក្មេងស្រីដ៏គួរឲ្យស្រឡាញ់បំផុត។

៣. Jennie និង Lisa

សមាជិកទាំង ២នេះ សុទ្ធតែជាកូនទោលក្នុងគ្រួសារ ប៉ុន្តែនិស្ស័យបាននាំពួកគេឲ្យបានក្លាយជាក្រុមតែមួយ។ លើសពីនេះទំនាក់ទំនងរបស់ Jennie និង Lisa កាន់តែស្អិតល្មួតប្រៀបដូចបងប្អូនបង្កើតពិតៗ ធ្វើឲ្យអ្នកគាំទ្រកាន់តែពេញចិត្តនឹងក្ដីស្រឡាញ់របស់អ្នកទាំង ២ថែមមួយកម្រិត៕