ម្ចាស់ iPhone 5s កុំហក់លោតដល់ iOS ជំនាន់កប់ពេក បើមិនចង់ទឹកភ្នែក

2018-04-04 04:44:53
ចំនួនមតិ 0 | ចំនួនចែករំលែក 0

ចន្លោះមិនឃើញ

iOS 11 ជាប្រព័ន្ធប្រតិបត្តិការជំនាន់ថ្មីចុងក្រោយមួយ ដែលមានបន្ថែមមុខងារពិសេសៗលើស iOS 10 ធ្វើឲ្យការប្រើប្រាស់ប្រចាំថ្ងៃកាន់តែមានភាពងាយស្រួល ជាពិសេសចំពោះការបើកអ៊ីនធឺណិតទូរសព្ទ។

iOS 11 នេះដែរអាចដំឡើងបានចាប់ពី iPhone 5s ឡើងដល់ iPhone X។ ត្បិតថា iPhone 5s អាចទ្រាំទ្រនឹង iOS 11 បានមែនពិត ប៉ុន្តែប្រព័ន្ធប្រតិបត្តិការជំនាន់ថ្មីនេះ បានធ្វើឲ្យ iPhone 5s ដំណើរការយឺតជាងមុនឆ្ងាយ បើប្រៀបនឹង iOS 10។

ជាក់ស្ដែងខាងក្រោមនេះ ជាវីដេអូប្រៀបធៀបអំពីដំណើរការរបស់ iPhone 5s ដែលប្រើ iOS 10.2.1 និង iOS 11.2.5 ៖

បានមើលវីដេអូខាងលើអ្នកនឹងឃើញជាក់ច្បាស់ថា iOS 10.2.1 មានដំណើរការលឿនជាង iOS 11.2.5 គួរឲ្យកត់សម្គាល់ ទាំងលើការបើកទូរសព្ទ និងការដំណើរការកម្មវិធីមួយចំនួន។

ហេតុនេះម្ចាស់ iPhone 5s មុនសម្រេចដំឡើងទៅកាន់ iOS 11 ត្រូវពិចារណាឲ្យមែនទែន ថាចង់បានមុខងារថ្មី ឬ ចង់បានទូរសព្ទដែលដើរលឿននោះ។ គួរដឹងថា iOS 11 នេះក៏បានធ្វើឲ្យ iPhone ម៉ូដែលដទៃដំណើរការយឺតជាងមុនបន្តិចបន្តួចដែរ ប៉ុន្តែវាមិនយឺតខ្លាំងដូចជា iPhone 5s នោះទេ៕

-->Sabay ត្រូវការរើស 5 Corporate Sales Executives ។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/iTqDWW

ចុចអាន៖

ប្រភព៖ YouTube ប្រែសម្រួល៖ សុខហេង