Jailbreak អាចល្អ ឬមិនល្អ នេះជាហេតុផល

2018-04-04 01:46:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ការ Jailbreak បានផ្លាស់ប្តូរប្រព័ន្ធ ដោយលុបចោលរនាំងព្រំដែនកំណត់ដោយ Apple ដែលត្រឹមអាចដំឡើងកម្មវិធីពី App Store។ ទូរសព្ទដែលបាន Jailbreak អាចដំឡើងកម្មវិធីក្រៅពី App Store បាន។

ការ Jailbreak ខុសគ្នាពីការ Unlock iPhone។ បើអ្នកទិញ iPhone ពីក្រុមហ៊ុនណាមួយដែលជាប់កិច្ចសន្យាឧទាហរណ៍ អ្នកត្រូវប្រើ SIM Card របស់ O2 នេះមានន័យថា iPhone ត្រូវបាន Lock ទៅនឹងបណ្ដាញនោះ។

ការ Unlock iPhone កែប្រែ iPhone ឲ្យអាចដំណើរការបានលើបណ្ដាញ ឬ SIM Card ផ្សេងទៀតបាន។ តែអ្នកនៅដំណើរការប្រព័ន្ធប្រតិបត្តិការ iOS ផ្លូវការដដែល។

ហេតុផលក្នុងការ Jailbreak iPhone

១. វាជាទូរសព្ទអ្នក ហើយអ្នកគួរតែអាចធ្វើអ្វីតាមដែលអ្នកចង់បាន។

២. អ្នកអាចទាញយកកម្មវិធីពីគ្រប់ទីកន្លែង មិនមែនត្រឹមតែពី App Store នោះទេ។

៣. អ្នកអាចប្រើប្រាស់កម្មវិធីជំនួសនឹងកម្មវិធីមានស្រាប់ក្នុង iOS ដែលអាចមានមុខងារជាច្រើនទៀត។

៤. អ្នកអាចកែប្រែរូបរាងផ្សេងៗរបស់កម្មវិធី ឬប្រព័ន្ធ ដូចជា Theme ឬ icon ជាដើម។

ការ Jailbreak iPhone អាចធ្វើបាន តែអាចបាត់បង់ការធានាពីក្រុមហ៊ុន។ យ៉ាងណាក៏ដោយមុនពេលអ្នកសម្រេចចិត្ត Jailbreak គួរធ្វើការ Back up ទិន្នន័យទុកករណីមានបញ្ហា ដូចជារក្សាជំនាន់ទូរសព្ទមិនបាន Jailbreak ងាយស្រួលត្រលប់ក្រោយវិញ។

ហេតុផល អ្នកមិនគួរ Jailbreak iPhone

១. ធ្វើឲ្យបាត់បង់ការធានារបស់ iPhone។

២. ការ Jailbreak iPhone មានន័យថាអ្នកបានលុបរនាំងសុវត្ថិភាពរបស់ Apple អាចមានបញ្ហាដូចជាកម្មវិធីគាំង ឬមានមេរោគ។

៣. រាល់ពេលធ្វើកំណែទម្រង់ iOS ថ្មី នឹងបាត់បង់ការ Jailbreak។ បើមិនចង់ អ្នកត្រូវរង់ចាំប៉ុន្មានថ្ងៃបន្ថែម ទម្រាំកំណែទម្រង់ថ្មីអាច Jailbreak បាន។

៤. iPhone អាចឧស្សាហ៍គាំង, មុខងារ ឬកម្មវិធីជាច្រើនលែងដំណើរការ ហើយថាមពលថ្មក៏ឆាប់អស់ដែរ។

Apple និយាយអ្វីខ្លះពីការ Jailbreak

កំណែទម្រង់ថ្មីៗរបស់ iOS តែងតែលុបកម្មវិធី Jailbreak ចេញពី iPhone និងផ្លាស់ប្ដូរវិធីការពារបច្ចេកទេស Jailbreak។ Apple បារម្ភពីចំណុចទាំងនេះ៖

សុវត្ថិភាព៖ ការ Jailbreak លុបចោលនូវស្រទាប់សុវត្ថិភាពលើ iPhone។
អស្ថិរភាព៖ ការ Jailbreak បណ្ដាលឲ្យ iPhone មានដំណើរការខុសឆ្គង ឬមិនប្រក្រតី។
ថាមពលថ្មខ្សោយ៖ កម្មវិធី និង Service នានា ប្រហែលជាដំណើរការមិនបានត្រឹមត្រូវ ដែលអាចចំណាយថាមពលថ្មច្រើន។
ការប្រើទិន្នន័យ ឬសំឡេងមិនគួរឲ្យទុកចិត្ត។
ការរំខាន Service ផ្សេងៗ៖ Services ដូចជា Visual Voicemail, Weather និង Stocks រំខាន ឬមិនអាចប្រើបាន។ iCloud, Exchange និង Apple Push Notification ដំណើរការមិនប្រក្រតីលើ Device Jailbreak រួច។
អសមត្ថភាពធ្វើកំណែទម្រង់៖ ដោយសារកំណែទម្រង់ថ្មីរបស់ Apple បានលុបចោលកម្មវិធី Jailbreak ដូច្នេះអ្នកប្រើទូរសព្ទ Jailbreak ជាច្រើនមិនចង់ធ្វើកំណែទម្រង់នោះទេ។ នេះនឹងធ្វើឲ្យប្រព័ន្ធប្រតិបត្តិការរបស់ទូរសព្ទហួសសម័យ៕