ចេញ P20 មិនបានប៉ុន្មានថ្ងៃផង Mate 10 Pro នៅថៃ ធ្លាក់អស់ ១០០ ដុល្លារទៀតបាត់

2018-04-04 12:02:59
ចំនួនមតិ 0 | ចំនួនចែករំលែក 0

ចន្លោះមិនឃើញ

វត្តមាននៃការមកដល់នូវស្មាតហ្វូនជំនាន់ក្រោយ P20/P20 Pro បានធ្វើឲ្យម៉ូឌែលដទៃនៃត្រកូល Huawei ផ្តើមធ្លាក់ថ្លៃបន្តកន្ទុយគ្នា។ ស្មាតហ្វូនធន់ខ្ពស់ Mate 10 Pro ពីមុនក្នុងទីផ្សារប្រទេសថៃ លក់ក្នុងតម្លៃ ២៧ ៩០០ បាត ឬប្រហែល ៨៩៣ ដុល្លារ ថ្មីៗនេះតាមដំណឹងលេចលឺបានចុះអស់ជាង ១ សន្លឹក មកសល់ត្រឹម ២៣ ៩៩០ បាត ឬត្រឹម ៧៦៨ ដុល្លារ ប៉ុណ្ណោះ។

ការប្រែប្រួលតម្លៃនេះសោតក៏ទំនងជានឹងជះឥទ្ធិពលដល់ទីផ្សារកម្ពុជាដូចគ្នា ដោយតម្លៃដើមនៃ Mate 10 Pro តាមបណ្តាហាងទូរសព្ទមួយចំនួនបច្ចុប្បន្នថ្លៃ ៨៦០ ដុល្លារ ប្រហែលនឹងតម្លៃដំបូងនៅទីផ្សារថៃ ប៉ុន្តែក្នុងរយៈពេលដ៏ខ្លីខាងមុខ ក៏អាចនឹងចុះថ្លៃបានដូចគ្នា។ បែបនេះសម្រាប់ប្រិយមិត្តកំពុងលៃលកចាប់ចិត្តលើត្រកូល Mate សេរ៊ីឆ្នាំ ២០១៧ នេះ បើចាំបាន គួររង់ចាំមើលសភាពការណ៍មួយរយៈសិន។

បញ្ជាក់ថា Mate 10 Pro បានបង្ហាញខ្លួនកាលពីខែតុលាឆ្នាំទៅ ជាមួយការរចនាតួខ្លួនស្តើងស្អាត ក្រាលដោយផ្ទៃកញ្ចក់ពេញដល់ទៅ ៨០,៩ ភាគរយនៃអេក្រង់ ៦,០ អ៊ីញ។ ប្រើឈីប HiSilicon Kirin 970 បន្សំ RAM ធំ 6GB មានប្រើកាមេរ៉ាក្រោយភ្លោះ 12+20MP និងខាងមុខ 8MP។ បំពាក់ដោយថាមពលថ្មធំ ៤ ០០០mAh មានជម្រើសពណ៌ ៤ ដូចជា Midnight Blue, Titanium Gray, Mocha Brown និង Pink Gold។

-->Sabay ត្រូវការរើស Marketing Consultant។ បើមានចំណាប់អារម្មណ៍ដាក់ CV មក hr@sabay.com ឬចូលទៅកាន់ https://goo.gl/j3UhbY