មុននឹងសម្រេចចិត្តចំណាកស្រុក ស្រ្តីគួរដឹងពីចំណុចទាំងនេះ (មានវីដេអូ)
- 2018-04-05 04:14:10
- ចំនួនមតិ 0 | ចំនួនចែករំលែក 0
មុននឹងសម្រេចចិត្តចំណាកស្រុក ស្រ្តីគួរដឹងពីចំណុចទាំងនេះ (មានវីដេអូ)
ចន្លោះមិនឃើញ
អង្គការអន្តរជាតិទេសន្តប្រវេសន៍(IOM) ប្រចាំកម្ពុជាបានសហការជាមួយដៃគូពាក់ព័ន្ធផលិតវីដេអូអប់រំមួយស្តីអំពីចំណាកស្រុកដោយជោគជ័យ ក្នុងគោលបំណងអប់រំស្រ្តីកម្ពុជាឲ្យចេះស្វែងរកព័ត៌មានឲ្យបានល្អិនល្អន់មុននឹងចំណាកស្រុកទៅក្រៅប្រទេស។
វីដេអូមានរយៈពេលជិត៨នាទី មាននិយាយពីការលើកកម្ពស់ចំណេះដឹងអំពីហានិភ័យ នៃការចំណាកស្រុកតាមរយៈការរៀបការទៅប្រទេសចិន។ វីដេអូក៏និយាយពីការចំណាកស្រុកដោយភាពវៃឆ្លាត របៀបនៃការរៀបចំឯកសារ ដើម្បីធ្វើចំណាកស្រុក និងបញ្ហាប្រឈមដែលស្រ្តី អាចជួបប្រទះនៅពេលធ្វើចំណាកស្រុកទៅក្រៅប្រទេស។
អង្គការដដែលសរសេរក្នុងសេចក្តីប្រកាសព័ត៌មានចេញផ្សាយកាលពីម្សិលមិញដែរថា ស្រ្តីមួយចំនួនបានទៅរស់នៅប្រទេសចិនដោយសុខសប្បាយ តែមានខ្លះទៀតត្រូវបង្ខំឲ្យរៀបការជាមួយបុរសដែលខ្លួនមិនពេញចិត្ត។ ស្រ្តីទាំងនោះអាចប្រឈមនឹងការរំលោភបំពានផ្លូវភេទ និងបង្ខំឲ្យធ្វើការជាដើម។ ចំណែកឯកសាររបស់ស្រ្តីទាំងនោះទៀតសោតក៏ត្រូវបានគេដកហូត ដែលត្រង់ចំណុចនេះធ្វើឲ្យស្រ្តីទាំងនេះបាត់បង់នូវសិទ្ធិជាមូលដ្ឋានមួយចំនួនផងដែរ។
បើតាមវីដេអូដដែល ស្រ្តីដែលចង់ចំណាកស្រុកទៅប្រទេសចិនត្រូវស្វែងរកព័ត៌មានពីអាជ្ញាធរមូលដ្ឋាន អង្គការពាក់ព័ន្ធ ជាពិសេសគឺលេខទូរស័ព្ធអ្នកដែលអាចផ្តល់ជំនួយនៅពេលមានការចាំបាច់ ជាពិសេសគឺ លេខទំនាក់ទំនងរបស់ស្ថានទូតខ្មែរប្រចាំប្រទេសចិន។
វីដេអូនេះនឹងចាក់ផ្សាយតាមស្ថានីយទូរទស្សន៍មួយចំនួនក្នុងខែមេសានេះ និងមានផ្សាយជាសំឡេងតាមវិទ្យុមួយចំនួនទៀតផងដែរ៕
ចុចទស្សនាវីដេអូ៖