មកដឹងមូលហេតុយុវជនមួយក្រុមប្រឹងផលិតបទចម្រៀងដូចទសវត្សរ៍ ៦០ ទាំងគ្មានអ្នកឧបត្ថម្ភ
- 2018-04-05 07:04:15
- ចំនួនមតិ 0 | ចំនួនចែករំលែក 0
មកដឹងមូលហេតុយុវជនមួយក្រុមប្រឹងផលិតបទចម្រៀងដូចទសវត្សរ៍ ៦០ ទាំងគ្មានអ្នកឧបត្ថម្ភ
ចន្លោះមិនឃើញ
ក្នុងរយៈពេល៣ឆ្នាំចុងក្រោយនេះយុវជនមួយក្រុមបានព្យាយាមផលិតចម្រៀងសម័យមុន ផុសក្នុងបណ្ដាញសង្គម ដែលមានអ្នកLike ផេករាប់សែននាក់។
លោក ស៊ីន ច័ន្ទជេដ្ឋា ម្ចាស់ ម្ចាស់ផេក "ជួបគ្នាម្ដងទៀត" ដែល ចូលចិត្តច្រៀង Cover និងផលិតវីដេអូលំនាំទសវត្សរ៍ ៦០បាន ប្រាប់ថា ការចូលចិត្តរៀបចំខ្លួនបែបនេះ គឺដោយសារ លោកជាប់ចិត្តចំពោះចម្រៀង និងការសម្ដែងសម័យមុន។ ដូច្នេះទើបលោកស្វែងរកក្រុមការងារណាដែលមានចិត្តស្រលាញ់ និងទឹកចិត្តដូចគ្នាផលិតចម្រៀងទាំងនោះឡើងមក ក្នុងគោលបំណងរម្លឹកដល់ការស្នាដៃអ្នកសិល្បៈពីមុនមក ចង់បង្ហាញឲ្យសាធារណជនដឹងថា សិល្បៈខ្មែរក្នុងសម័យនោះមានភាពសម្បូរបែប និងអស្ចារ្យយ៉ាងណា។
អតីតតារាសម្ដែងឆ្នាំ១៩៩០ រូបនេះបានបន្តថា កាលពីក្មេងលោកធ្លាប់បានមើលការសម្ដែងរបស់លោក ជា យុទ្ធថន ក្នុងរឿងមួយ តាំងពីពេលនោះមកចាប់ផ្តើមស្រលាញ់ការសម្ដែង និងចូលចិត្តរៀបចំខ្លួនឲ្យដូចតួប្រុសម្នាក់នោះ និងមានបំណងផលិតវីដេអូ បែបនោះតាំងពីក្មេងមក។ លោកបន្តថា ការផលិតវីដេអូនេះលោកគ្មានទទួលបានការឧបត្ថម្ភពីខាងណាទាំងអស់។ «ដោយសារក្រុមយើងសុទ្ធតែជាអ្នកមានការងាររៀងៗខ្លួន ដូច្នេះយើងមានពេលជួបគ្នា តែម៉ោងសម្រាកបាយថ្ងៃត្រង់ សម្រាប់ពិភាក្សាគ្នា ហើយបើមានពេលថ្ងៃសៅរ៍ អាទិត្យគឺចាប់ផ្តើមថតតែម្តង» ស៊ីន ច័ន្ទជេដ្ឋា ថ្លែង។
បច្ចុប្បន្នក្រុមលោកមានគ្នា៣នាក់ដែលជាសមាជិកស្នូល គឺជាអ្នកថត អ្នកចម្រៀង និងអ្នកភ្លេង ហើយនិងមានសមាជិកផ្សេងទៀតដែលជាអ្នកជួយសម្រួលការងារ ក្រុមនេះបង្កើតឡើងឆ្នាំ២០១៥។ ទិសដៅទៅថ្ងៃអនាគតក្រុមលោកមានបំណងបើកផលិតកម្ម ប្រសិនបើមានលទ្ធភាព៕