ជួបសហគមន៍បង្កើតជំនួញបច្ចេកវិទ្យា រកវិធីដោះស្រាយបញ្ហា

2018-04-05 07:56:15
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីថ្ងៃទី ៣ ខែមេសា វិទ្យាស្ថានជាតិនិបទីក (NIPTICT) នៃក្រសួងប្រៃសណីយ៍និងទូរគមនាគមន៍ បានរៀបចំកម្មវិធីជួបជាមួយសហគមន៍ក្រុមហ៊ុនបង្កើតធុរកិច្ចថ្មី លើវិស័យបច្ចេកវិទ្យាគមនាគមន៍ព័ត៌មាន (ICT)។

ក្នុងពីធីនោះមានការចូលរួមពី ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសនីយនិងទូរគមនាគមន៍ លោក សេង សុភាព ប្រធានវិទ្យាស្ថាននីបទីក ក្រុមហ៊ុនបង្កើតធុរកិច្ចថ្មី និស្សិត សហគមន៍បច្ចេកវិទ្យា និងដៃគូរអភិវឌ្ឍន៍នានា។

ឯកឧត្ដម កាន ច័ន្ទមេត្តា រដ្ឋលេខាធិការក្រសួងប្រៃសនីយនិងទូរគមនាគមន៍មានប្រសាសន៍ថា ការរៀបចំការជួបជុំនេះ ក្នុងគោលបំណងដើម្បីស្វែងយល់ពីបញ្ហានិងការរកដំណោះស្រាយ ក្នុងការឈានទៅរៀបចំ«គោលនយោបាយស្ដីពីការបង្កើតធុរកិច្ច វិស័យបច្ចេកវិទ្យាគមនាគមន៍ព័ត៌មាន (ICT)» ក្នុងប្រទេសកម្ពុជា។

តាមរយៈការធ្វើការរួមគ្នារវាងអ្នករៀបចំគោលនយោបាយ និងអ្នកទទួលផលពីគោលនយោបាយ បង្ហាញពីភាពជាដៃគូររវាងរដ្ឋាភិបាល និង វិស័យឯកជន។ វាក៏បានផ្ដល់ធាតុចូលរួមពីគ្រប់សមាសភាគ ដើម្បីស្វែងរកដំណោះស្រាយដ៏ល្អបំផុត ចំពោះការបង្កើតគោលនយោបាយស្ដីពីការធុរកិច្ចក្នុងវិស័យ ICT នៅថ្ងៃខាងមុខ។

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អត្ថបទបន្ត៖

អត្ថបទ៖ ម៉េងងី