“Black Panther” ដណ្ដើមចំណាត់ថ្នាក់ភាពយន្តកំពូលទាំងបី រកចំណូលច្រើនជាងគេក្នុងប្រវត្តិសាស្ត្រ

2018-04-08 08:20:00
ចំនួនមតិ 0 | ចំនួនចែករំលែក 0

ចន្លោះមិនឃើញ

មកដល់ពេលនេះ "Black Panther” បំបែកឯកត្តកម្មមួយទៀតហើយ។ ភាពយន្តដែលជាស្នាដៃរបសផលិតកម្ម Marvel និង Disney បានឈានជើងចូលចំណោមកំពូលភាពយន្តទាំងបី ដែលរកចំណូលបានយ៉ាងច្រើនជាងគេបំផុតនៅក្នុងប្រវត្តិសាស្ត្រកាលពីថ្ងៃសៅរ៍។

ភាពយន្តដកស្រង់ចេញពីសៀវភៅត្លុកនេះ ចាប់ដាក់បញ្ចាំងកាលពីជិត២ខែមុន ដែលរកចំណូលបាន ២,៣លានដុល្លារសម្រាប់សប្ដាហ៍កន្លងទៅនេះ ធ្វើឲ្យទឹកប្រាក់សរុបគឺកើនឡើងដល់ទៅ ៦៥៩,៣លានដុល្លារ គិតត្រឹមតែសុក្រ។ ចំពោះពេលនេះ "Black Panther” បំបាក់ "Titanic” បានហើយ ដោយចំណូលសរុបនៅពេលនោះគឺ ៦៥៩,៥លានដុល្លារ។

ដោយឡែកភាពយន្តដែលនៅរក្សាតំណែងលេខ ១ និងលេខ ២ គឺរឿង "The Force Awakens” រកចំណូលបាន ៩៣៩,៧លានដុល្លារនិង "Avatar” រកបាន ៧៦០,៥លានដុល្លារ គិតតែនៅសហរដ្ឋអាមេរិក។

ភាពយន្តដែលដឹកនាំដោយលោក Ryan Coogler នេះរកចំណូលបាន ១,២៩ប៊ីលានដុល្លារទូទាំងពិភពលោក យកឈ្នះរឿង "Frozen”, “Star Wars: The Last Jedi”, “Beautiful and the Beast” និង "The Fate of the Furious”៕