អ្នកថតរូបម្នាក់ត្រូវគេលួចឡេនកាមេរ៉ាលក់លើ eBay ឃើញតម្លៃធ្លាក់ថ្លើមក្ដុក!

2018-04-08 08:46:00
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក zvereff ជាអ្នកថតរូបអាជីពម្នាក់ បានបាត់ឡេនកាមេរ៉ា Canon 50mm/f0.95 របស់ខ្លួន កាលពីសប្ដាហ៍មុន អំឡុងពេលរូបគេស្នាក់នៅសណ្ឋាគារមួយកន្លែងនៅប្រទេសម៉ិចស៊ីកូ ប៉ុន្តែស្រាប់រកឃើញវិញនៅលើវិបសាយលក់ទំនិញអនឡាញ eBay ជាមួយតម្លៃ ៦ ៥១០០ ដុល្លារ។

ចំពោះមូលហេតុដែលបណ្ដាលឲ្យបាត់ ដំបូងឡើយលោក zvereff បានស្នាក់នៅសណ្ឋាគារមួយឈ្មោះ Guadalajara ក្នុងប្រទេសម៉ិចស៊ីកូ។ នៅពេលក្រោកឡើងឃើញទ្វាររបើក ហើយក៏បាត់កាបូបដាក់កាមេរ៉ាមួយ ដែលក្នុងនោះមានទាំងឡេនផង Canon 50mm f/0.95 និង Mamiya 75mm f/3.5 lens។ តម្លៃដើមនៃឡេន Leica M-mount lens នោះប្រមាណជា ២ ៣០០ ដុល្លារ និងកែវឡេនមួយទៀតតម្លៃ ៨០០ ដុល្លារ ដែលលោក zvereff កម្ម៉ង់ទិញពី eBay នៅឆ្នាំ ២០១៣។

ពេលដឹងថាបាត់ រូបគេក៏បានបង្ហោះសារលើ IG ភ្ជាប់ជាមួយរូបភាពឡេន។ ក្រោយមកបានប្រមាណជាមួយសប្ដាហ៍ ក៏មានមិត្តភក្តិលោក zvereff បានឃើញគេបង្ហោះលក់ឡេនមួយស្រដៀងនឹងឡេនដែលបាត់។ រំពេចនោះ បុរសជាមិត្តភក្តិក៏បានផ្ញើសារទៅកាន់លោក zvereff ឲ្យពិនិត្យមើល។

បន្ទាប់ពីផ្ទៀងផ្ទាត់លេខ Serial នៅលើឡេន ដែលគេដាក់លក់ក្នុងវិបសាយ ជាមួយនឹងលេខដែលបុរសនោះថតទុកក្នុងទូរសព្ទដៃ គឺដូចគ្នាបេះបិទ។

ក្រោយដឹងដំណឹងនេះហើយ លោក zvereff បានទាក់ទងទៅប៉ូលីសនៅតំបន់នោះឲ្យជួយអន្តរាគមន៍ និងទាក់ទងទៅខាងវិបសាយ ebay ប៉ុន្តែគ្មានដំណោះស្រាយណាមួយជូនរូបគេនោះទេ។ បន្ទាប់ពីអស់សង្ឃឹមនឹងតាមយកឡេនជាទីស្រលាញ់មកវិញ បុរសនោះ ក៏បាននិយាយមួយឃ្លាយ៉ាងគួរអាណិតថា "ណ្ហើយ! ខ្ញុំមិនរំពឹងថា យកបានមកវិញទេ អូខេ! ឲ្យវាទៅចុះ”៕