Khmer Real Estate មុនបើករដូវកាលថ្មី បង្កើតពានសប្បុរសធម៌មួយសម្រាប់ពេទ្យគន្ធបុប្ផា

2018-04-09 06:23:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ អាវ៉ាតា ក្លាយជាម្ចាស់ពានរង្វាន់សប្បុរសធម៌ ដែលប្រមូលថវិកាជួយពេទ្យគន្ធបុប្ផា មុនបើកប្រកួតជាផ្លូវនៃពានរង្វាន់ Khmer Real Estate League ២០១៨ កាលពីថ្ងៃសៅរ៍ ទី៧ ខែមេសា កន្លងទៅ។

លោកបណ្ឌិត គីម ហ៊ាង

លោកបណ្ឌិត គីម ហ៊ាង ប្រធានក្រុមហ៊ុន Khmer Real Estate និងជាស្ថាបនិកពានរង្វាន់មួយនេះបានប្រាប់ថា រដូវកាលថ្មីនេះប្លែកបន្តិច មុនការប្រកួតសន្សំពិន្ទុជាផ្លូវការនៅថ្ងៃទី២១ ខែមេសា ឆ្នាំ២០១៨ខាងមុខនេះ គឺបង្កើតឲ្យមានការប្រកួតដណ្ដើមពានសប្បុរសធម៌មួយ ដើម្បីប្រមូលថវិកាជួយពេទ្យគន្ធបុប្ផាមុនចូលឆ្នាំថ្មីប្រពៃណីខ្មែរ។

ក្រុមទាំងពីរស្វាគមនគ្នា

ស្ថាបនិកខាងលើបន្តថា ចំពោះក្រុមដែលជួបប្រកួតគ្នានេះ គឺរវាងជើងឯក Khmer Real Estate រដូវកាលចាស់ បានយ័នវ័នឌឺរឺ និងក្រុម អាវ៉ាតា ដែលជាក្រុម Top 5 រដូវកាលចាស់ដូចគ្នា។ នាឱកាសនោះដែរលោកក៏ប្រាប់អំពីការប្រកួតដើម្បីក្លាយជាម្ចាស់ពាន Khmer Real Estate ផងដែរ ពោល១៩ប្រកួត បើក្រុមណាដែលមានពិន្ទុខ្ពស់ជាងគេក្លាយជាម្ចាស់ពានតែម្ដង ដោយឡែកក្រុមលេខ២ នឹងត្រូវប្រកួតខ្វែង រកឈ្នះ២ក្រុមប្រកួតយកពាន Khmer Real Estate ដូច្នេះរដូវកាលថ្មីនេះគឺមានពាន២សម្រាប់ប្រជែងគ្នា។

ក្រុម អាវ៉ាតា ឈ្នះពានកាលថ្ងៃសៅរ៍

សម្រាប់ការពានរង្វាន់សប្បុរសធម៌កាលពីថ្ងៃសៅរ៍ ទី៧ ខែមេសា ឆ្នាំ២០១៨ កន្លងទៅនៅឯទីលានបាល់ទាត់ដំរីស នោះ គឺក្រុម អាវ៉ាតា ក្លាយជាម្ចាស់ជើងឯក ក្រោយទាត់បាល់កាត់សេចក្ដី១១ម៉ែត្រ បន្ទាប់ពីក្រុមទាំងពីរប្រកួតត្រឹមស្មើគ្នា ២-២ ។ ក្រៅពីនោះក៏មានការប្រកួតមិត្តភាពមួយគូទៀតផងដែរ រវាង ខ្មែរយូណាយធីត ឈ្នះ បាសាក់អែហ្វស៊ី ៤-០៕

អត្ថបទ៖ នួន ស៊ីណា