តារា​ល្បីៗ​ទាំង​១០​រូប ​អ្នក​គួរ​តែ​ Follow លើ​បណ្ដាញ​សង្គម Instagram

  • 2018-04-12 05:20:00
  • ចំនួនមតិ 0 | ចំនួនចែករំលែក 18

ចន្លោះមិនឃើញ

បណ្ដាញ​សង្គម​ Instagram គឺ​ជា​កន្លែង​មួយ​ប្រមូល​ផ្ដុំ​ដោយ​រូប​ភាព​គ្រប់​បែប​យ៉ាង​ មិន​ថា​ជា​លក្ខណៈ​សិល្បៈ​ឬ​រូប​ថត​តារា​ល្បីៗ​នោះ​ទេ។ ចំពោះ​តារា​ល្បីៗ​ទាំង​១០រូប​នេះ​វិញ តែង​តែ​បង្ហាញ​អ្នក​គាំទ្រ​ខ្លួន​នូវ​សកម្មភាព​ប្លែកៗ និង​រំភើប​ក៏​ដូច​ជា​ឈុត​សម្លៀក​បំពាក់​ស្អាត​ៗ​ផង​ដែរ។ ដូច្នេះ​ហើយ​ប្រសិន​ជា​អ្នក​ចង់​បាន​អារម្មណ៍​ល្អ ក៏​ដូច​ជា​ក្រឡេក​មើល​កន្លែង​ថ្មីៗ​ស្អាតៗ តារា​ៗ​ទាំង​នេះ​អ្នក​គួរ​តែ​ក្រឡេក​មើល។

តោះ! អីចឹង​មក​មើល​ទាំង​អស់​គ្នា!

១០. Taylor Swift

រូប​ថត​ផ្សេងៗ​នៅ​លើ​បណ្ដាញ​សង្គម​ Taylor គឺ​ពិត​ជា​គួរ​ឲ្យ​ស្រលាញ់​ និង​ធម្មជាតិ​មិន​សូវ​ជា​ប្រើ​រូប​ផ្លូវ​ការ​ប៉ុន្មាន​ទេ​ ដូច្នេះ​ហើយ​ទើប​​អ្នក​គាំទ្រ​ជា​ច្រើន​ពេញ​ចិត្ត​គណនី​របស់​នាង។

៩. Sofia Veragra

ប្រសិន​ជា​អ្នក Follow គណនី​របស់​ Sofia អ្នក​នឹង​មិន​ខក​ចិត្ត​ទេ ដោយ​សារ​តែ​នាង​តែ​បង្ហោះ​រូប​ថត Selfie ស្អាតៗ​គួរ​ឲ្យ​ស្រលាញ់​។ មិន​ត្រឹម​តែ​ប៉ុណ្ណោះ​នាង​តែង​តែ​បង្ហោះ​រូប​ថត​ពេល​នាង​ដើរ​លេង និង​ធ្វើ​ម្ហូប​ប្លែក​ៗ​ ពិត​ជា​គួរ​ឲ្យ​ចង់​ញ៉ាំ។

៨. Gisele Bundchen

តារា​ម៉ូដែល​ល្បី​ឈ្មោះ​រូប​នេះ​ មិន​ចូល​ចិត្ត​បង្ហោះ​រូប​ថត​ដែល​នាង​ចូល​រួម​ក្នុង​កម្មវិធី​ធំៗ ប្រណិត​ៗ​នោះ​ទេ​ ផ្ទុយ​ទៅ​វិញ​នាង​តែង​តែ​បង្ហោះ​រូប​គួរ​ឲ្យ​ស្រលាញ់​បង្ហាញ​ពី​ជីវិត​បែប​សាមញ្ញៗ​ជំនួស​វិញ។

៧. Victoria Beckham

ភរិយា​របស់​កីឡា​បាល់​ទាត់​និង​ម៉ូដែល David Beckham ចូល​ចិត្ត​បង្ហោះ​រូប​ប្លែកៗ និង​កំប្លែង​ៗ គួរ​ឲ្យ​ចង់​មើល។

៦. Willow Smith

តារា​ចម្រៀង​កូន​ស្រី​តារា​សម្ដែង Will Smith រូប​នេះ​ តែង​បង្ហោះ​រូប​ Selfie ស្អាតៗ​និង​ប្លែក​ៗ ស៊ី​គ្នា​ជាមួយ​​នឹង​ការ​តុប​តែង​ខ្លួន​របស់​នាង។

៥. Hilary Duff

អតីត​តារា​ល្បី​ប្រចាំ​ Disney រូប​នេះ​តែង​បង្ហោះ​រូប​ថត​គួរ​ឲ្យ​ស្រលាញ់​ពី​សកម្ម​ភាព​ប្រចាំ​ថ្ងៃ​របស់​នាង ព្រម​ទាំង​រូប​ថត​របស់​កូន​ដ៏​គួរ​ឲ្យ​ស្រលាញ់​របស់​នាង​ផង​ដែរ។

៤. Oprah Winfrey

ជាមួយ​នឹង​អ្នក​គាំទ្រ​ជាង ១៣​លាន​នាក់ Oprah តែង​តែ​ធ្វើ​ឲ្យ​មនុស្ស​ជា​ច្រើន​កោត​សរសើរ​នូវ​ទឹក​ចិត្ត​ល្អ​របស់​នាង​ និង​តែង​តែ​ជំរុញ​ទឹក​ចិត្ត​មនុស្ស​គ្រប់​រូប​ដែល​នាង​បាន​ជួប។

៣. Dwayne Johnson

The Rock តែង​តែ​ធ្វើ​ឲ្យ​អ្នក​ Followers របស់​ខ្លួន​មាន​អារម្មណ៍​ល្អ និង​ជំរុញ​ទឹក​ចិត្ត​ដោយ​សារ​តែ​រូប​សម្រស់​និង​ភាព​មាំ​មួន​របស់​លោក ក្នុង​ការ​ធ្វើ​សកម្មភាព​ផ្សេងៗ។

២. Ariana Grande

ជាមួយ​នឹង​អ្នក​ Followers ជាង​១០០​លាន​នាក់​របស់​នាង Ariana Grande តែង​តែ​បង្ហោះ​វីដេអូ​និង​រូប​ថត​ស្អាតៗ​និង​គួរ​ឲ្យ​ស្រលាញ់​របស់​នាង។

១. Selena Gomez

អ្នក​ណា​ៗ​ ក៏​ Follow Selena នៅ​ក្នុង​ Instagram ដែរ​ ដោយ​សារ​តែ​នាង​តែង​តែ​រូប​ថត​គួរ​ឲ្យ​ស្រលាញ់​និង​ស្អាត​ៗ​មិន​ធម្មតា​ តែង​តែ​បង្ហោះ​ជា​ហូរ​ហែរ៕

​​


ប្រភព៖ The Richest   ប្រែ​សម្រួល៖ ធារ៉ូ

អត្ថបទថ្មី