Google ប្រុងទិញយកបច្ចេកវិទ្យារបស់ Nokia សម្រាប់ប្រើក្នុងយន្តហោះ

2018-04-12 08:47:03
ចំនួនមតិ 0 | ចំនួនចែករំលែក 0

ចន្លោះមិនឃើញ

សារព័ត៌មាន Bloomberg បានរាយការណ៍មកថា ក្រុមហ៊ុន Google កំពុងចរចាជាមួយក្រុមហ៊ុន Nokia ក្នុងការទិញយកបច្ចេកវិទ្យាក្នុងការតភ្ជាប់ Wi-Fi នៅលើយន្តហោះ។

កាលពីចុងឆ្នាំ ២០១៧ ក្រុមហ៊ុន Nokia បានប្រកាសចេញបច្ចេកវិទ្យាអ៊ីនធឺណិត សម្រាប់ប្រើប្រាស់ក្នុងយន្តហោះដែលផ្តល់ល្បឿនលឿនជាងក្រុមហ៊ុន Gogo ដែលប្រើប្រាស់លើជើងហោះហើរភាគច្រើនសព្វថ្ងៃ។ គេរំពឹងថា Google នឹងទិញយកបច្ចេកវិទ្យានេះ ដើម្បីពង្រឹងដល់ផលិតផលកម្មវិធីរបស់ខ្លួនដូចជា YouTube និង Play Music សម្រាប់អ្នកដំណើរលើយន្តហោះ។

បើតាម Bloomberg បច្ចេកវិទ្យាដែល Nokia បានបង្កើតឡើងនេះ មិនមែនជាស្នូលរបស់ក្រុមហ៊ុនឡើយ ពោលគឺ Nokia កំពុងដុតដៃដុតជើង ធ្វើការផ្ដល់ការផ្គត់ផ្គង់អ៊ីនធឺណិតដល់អ្នកប្រើប្រាស់តាមផ្ទះទៅវិញទេ។ យ៉ាងណាមិញ ទាំងក្រុមហ៊ុន Alphabet ដែលជាក្រុមហ៊ុនមេរបស់ Google និង Nokia ផ្ទាល់មិនទាន់បានឆ្លើយតបទៅលើការទិញដូរនេះនៅឡើយទេ។

ចុចអាន៖

ប្រភព៖ CNBC ប្រែសម្រួល៖ ផាត សុវត្ថិ