ទើបចេញលក់ Galaxy S9+ ទំហំ 64GB តម្លៃនៅតែកប់

2018-04-12 08:44:36
ចំនួនមតិ 0 | ចំនួនចែករំលែក 0

ចន្លោះមិនឃើញ

Samsung បានបញ្ចេញលក់ Galaxy S9+ សម្រាប់ទំហំ 64GB ក្នុងតម្លៃជាង ៨៦៩ ដុល្លារ។ បន្ទាប់ពីចេញនៅអេស្ប៉ាញប៉ុន្មានថ្ងៃ តំណាង Samsung បានបញ្ជាក់ថា សម្រាប់ទីផ្សារកម្ពុជានឹងមិនមានទំហំ 64GB ដូចប្រទេសនៅប៉ែកអឺរ៉ុប ឬជិតខាង ហើយតម្លៃក៏ខុសគ្នា។

លោក រតនា សោភ័ណ ប្រធានផលិតផលទូរសព្ទដៃ Samsung កម្ពុជា បានឆ្លើយតបថា៖ "តាមមតិអ្នកប្រើប្រាស់ អត់ចង់បាន 64GB ទេ។ យើងចង់ឲ្យអ្នកប្រើប្រាស់ មានអារម្មណ៍ថា មានស៊ីម២ មេម៉ូរីក៏ធំស្រាប់ ដោយមិនចាំបាច់ទិញមេម៉ូរីក្រៅថែម"។

ប៉ុន្តែពេលនេះក្រុមហ៊ុនបានបញ្ចេញលក់សម្រាប់ត្រកូល S9+ ទំហំ 64 GB ក្នុងតម្លៃរាងទាបបន្តិច បន្ថែមការលក់ Galaxy S9 ទំហំ 128GB និងS9+ ទំហំ 128 GB និង256 GB។

ត្រកូល S9 ជំនាន់ចុងក្រោយ Samsung បានបង្ហាញរូបរាងជាផ្លូវកាលកាលពីថ្ងៃ ២៥ ខែកុម្ភៈ ដោយបានរចនាជាមួួយរូបរាងមិនខុសគ្នាប៉ុន្មាននឹង S8/S8+ ឡើយ តែបន្ថែមជាមួយនឹងមុខងារខ្លាំងៗមួយចំនួន ដូចជាកាមេរ៉ាដែលអាចចាប់យករូបភាពយឺតបំផុតដល់ទៅ 960fps ថតពេលយប់បានល្អជាមួយ F1.5 ព្រមទាំងមានមុខងារ AR Emoji និងចំណុចពិសេសជាច្រើនទៀត។

Galaxy S9 សម្រាប់ទំហំ 128 GB តម្លៃ ៨៥៩ ដុល្លារ។ ឯ Galaxy S9+ ទំហំ 128GB តម្លៃ ៩៤៩ ដុល្លារ និង ៩៩៩ ដុល្លារ សម្រាប់ទំហំ 256 GB។