អេដា​ និងម្ចាស់ស្នេហ៍​ ចាយលុយជិត២ម៉ឺនដុល្លារ បើកហាងថ្មី២ព្រមគ្នា

  • 2018-04-18 05:01:37
  • ចំនួនមតិ 0 | ចំនួនចែករំលែក 31

ចន្លោះមិនឃើញ

តារាចម្រៀង​ original song អេ​ដា​ និងម្ចាស់​ចិត្ត លោក Allen​ ​ទើប​តែ​សម្ពោធហាង​ថ្មី​ដល់ទៅ២ក្នុងពេលតែមួយ។ ហាងថ្មីទាំងពីរនោះ មានហាង Salon​ និង ហាង​ម្ហូប​អាហារតាម​ដង​ផ្លូវ​​​ បែប​​ម៉ិចស៊ីកូ។

បើតាមប្អូនស្រីរបស់ អេដា និងជាអ្នកគ្រប់គ្រងហាងសាឡន ឲ្យដឹងថាហាងទាំងពីរដែលបើកព្រមគ្នានោះ ចំណាយថវិកាអស់ជិត២ម៉ឺឺនដុល្លារ ដែលជាភាគហ៊ុនរួមគ្នារបស់អេដា និងម្ចាស់ស្នេហ៍។ ដោយហេតុថា បងស្រីមមាញឹកនឹងការងារសិល្បៈ ម្យ៉ាងត្រូវនឹងជំនាញខ្លួនផងនោះ ទើបរូបនាងមើលខុសត្រូវហាងសាឡនជំនួស។

អេដា និងគូស្នេហ៍ ថ្ងៃសម្ពោធហាងថ្មី

ហាង​ Salon​ របស់​តារាចម្រៀង អេដា បានដាក់ឈ្មោះនាង​តែម្តង គឺ Adda & Hair Salon ចំណែកឯ​ហាង​ម្ហូប​អាហារតាម​ដង​ផ្លូវ​​​បែប​​អឺរ៉ុប​​ ដែល​គ្រប់​គ្រង​ដោយ​ម្ចាស់​ចិត្ត អេដា មានឈ្មោះថា Al's Tacos។ ហាងទាំងពីរនេះ មាន​ទីតាំង​នៅ​ខណ្ឌទួលគោក ក្រោយ​​មន្ទីរពេទ្យរ៉ូយ៉ាល់រតនៈចាស់​​ និងបានបើកសម្ពោធមុនពិធីបុណ្យចូលឆ្នាំខ្មែរ ដោយមានការចូលរួមពីក្រុមគ្រួសារ និងមិត្តជិតស្និទ្ធតែប៉ុណ្ណោះ៕

ចង់ដឹង​ថា ហាងIdol ទាក់ទាញយ៉ាងណាមើលរូបខាងក្រោម៖


អត្ថបទ៖ សិរីរត្នន៍

រូបភាពយកពី​ FB Page ៖ ADDA ANGEL MUSIC