រឿងមិនចេះចប់! ក្រោយបែកសង្សារ ឥឡូវ Zayn ត្រូវអ្នកគ្រប់គ្រងទាត់ក្បាលចោលទៀត
- 2018-04-18 04:05:00
- ចំនួនមតិ 0 | ចំនួនចែករំលែក 0
រឿងមិនចេះចប់! ក្រោយបែកសង្សារ ឥឡូវ Zayn ត្រូវអ្នកគ្រប់គ្រងទាត់ក្បាលចោលទៀត
ចន្លោះមិនឃើញ
អស់រយៈពេលច្រើនសប្ដាហ៍ហើយក្រោយដំណឹងនៃការបែកបាក់គ្នារវាងតារាចម្រៀង Zayn Malik និងមិត្តស្រីដែលជាតារាម៉ូដែល Gigi Hadid ត្រូវបានចែកចាយនោះ ហើយថ្មីៗនេះដែរ តារាចម្រៀងរូបនេះកំពុងតែជួបវិបត្តិមួយទៀត ដោយលើកនេះគឺជាមួយនឹងអ្នកគ្រប់គ្រងរបស់លោកផ្ទាល់តែម្ដង។
បើតាមសេចក្ដីរាយការណ៍មួយបានឲ្យដឹងថា អតីតសមាជិកក្រុម One Direction រូបនេះត្រូវបានផលិតកម្ម First Access ទាត់ក្បាលចោលដោយសារតែលោកមានចរិតរឹងរូស និងឆេវឆាវពេក។
តាមប្រភពជិតដិតមួយបានឲ្យដឹងថា ចរិតតារាចម្រៀង Zayn គឺកាន់តែយ៉ាប់យ៉ឺន ចាប់តាំងពីលោកបានបែកពីតារាម៉ូដែល Gigi Hadid មក ហើយអ្នកគ្រប់គ្រងរបស់លោកក៏សម្រេចចិត្តប្រលែងលោកចោល ហើយក្រុមហ៊ុនលែងខ្វល់ទៀតហើយ។
ប្រភពមួយបានអះអាងប្រាប់វិបសាយ The Sun ដែរថា៖ "អ្នកតំណាងរបស់Zayn បានព្យាយាមជួយលោកអស់រយៈពេល២ឆ្នាំហើយ ប៉ុន្តែនៅតែមិនជោគជ័យ។ Zayn គឺឆេវឆាវ និងរឹងរូសណាស់"។
តារាចម្រៀង Zayn Malik និងតារាម៉ូដែល Gigi Hadid បានចាប់ផ្ដើមទាក់ទងគ្នាក្នុងខែវិច្ឆិកា ឆ្នាំ២០១៥ ហើយបានសម្រេចចិត្តចែកផ្លូវគ្នាក្នុងខែមីនា ឆ្នាំ២០១៨នេះ៕
ចុចអាន៖
Zayn Malik កៀកកើយជាមួយស្រីម៉ូដែលម្នាក់ក្នុងវីដេអូចម្រៀងបទ Let Me
Zayn Malik និយាយថាខ្លួនចង់រស់នៅជាមួយ Gigi ដល់ចាស់ប៉ុន្តែមិនអាចសម្រេចដូចបំណង