Zayn Malik និយាយថាខ្លួនចង់រស់នៅជាមួយ Gigi ដល់ចាស់ប៉ុន្តែមិនអាចសម្រេចដូចបំណង
- 2018-04-14 04:40:00
- ចំនួនមតិ 0 | ចំនួនចែករំលែក 0
Zayn Malik និយាយថាខ្លួនចង់រស់នៅជាមួយ Gigi ដល់ចាស់ប៉ុន្តែមិនអាចសម្រេចដូចបំណង
ចន្លោះមិនឃើញ
ក្នុងពេលមួយខណៈពេលដែលអ្នកទាំងពីរកំពុងតែទាក់ទងគ្នា Zayn Malik ចង់ចំណាយពេលមួយជីវិតរបស់ខ្លួនជាមួយតារាម៉ូដែល Gigi Hadid។
តារាចម្រៀងវ័យ ២៥ឆ្នាំរូបនេះទើបតែបានបញ្ចេញវីដេអូចម្រៀងថ្មី "Let Me” ដែលខ្លួនបាននិពន្ធកាលពីអំឡុង ៧ ឬ៨ខែមុន។ ពេលនោះគឺ Zayn នៅកំពុងតែទាក់ទងជាមួយអតីតមិត្តស្រីខ្លួន Gigi Hadid នៅឡើយ។
Zayn និយាយទៅកាន់កម្មវិធី On Air With Ryan Seacrest ថា ពេលខ្លួនកំពុងតែនិពន្ធបទចម្រៀងនេះ លោកកំពុងតែមានសេចក្ដីស្នេហាពេញខ្លួន។ លោកចង់ចំណាយពេលមួយជីវិតដើម្បីស្រលាញ់មនុស្សម្នាក់ ប៉ុន្តែអ្វីៗមិនអាចធ្វើតាមចិត្តចង់បាន។ ពេលវេលាផ្លាស់ប្ដូរ ទឹកចិត្តមនុស្សក៏ផ្លាស់ប្ដូរតាមនោះដែរ ដូច្នេះយើងត្រូវតែសម្របតាមកាលៈទេសៈនិងធ្វើអ្វីដែលគួរតែធ្វើ។
Zayn បានបញ្ជាក់ថាបទចម្រៀង "Let Me” នេះគឺជាបទចម្រៀងដែលបញ្ចូលមនោសញ្ចេតនាបំផុតរបស់លោក។ មិនត្រឹមតែប៉ុណ្ណោះ Zayn ក៏បង្ហើបប្រាប់ថាចំពោះបទចម្រៀងថ្មីៗ របស់លោកគឺលោកនិពន្ធគ្រប់បទទាំងអស់ដោយខ្លួនឯង។ គូសបញ្ជាក់ដែរថាអាល់ប៊ុមដំបូងរបស់លោក "Mind of Mine” បានបញ្ចេញកាលពីឆ្នាំ ២០១៦ ហើយចំពោះអាល់ប៊ុមថ្មីទី២នេះមិនទាន់ដឹងពីថ្ងៃបញ្ចេញនៅឡើយទេ។
គិតត្រឹមពេលនេះ Zayn បានបញ្ចេញវីដេអូចម្រៀង២បទហើយចំពោះអាល់ប៊ុមថ្មីគឺបទ "Dusk Till Dawn” និង "Let Me”។
ដោយសារតែអំឡុងពេលដែល Zayn ផលិតអាល់ប៊ុមចម្រៀងថ្មីលោកកំពុងតែស្រលាញ់គ្នាជាមួយ Gigi ខ្លាំងដូច្នេះរំពឹងថានឹងមានបទចម្រៀងជាច្រើនបទដែលបរិយាយពីនាង៕
អានអត្ថបទ៖
Zayn Malik កៀកកើយជាមួយស្រីម៉ូដែលម្នាក់ក្នុងវីដេអូចម្រៀងបទ Let Me
មូលហេតុពិតប្រាកដនៃការចែកផ្លូវគ្នារវាង Zayn Malik និង Gigi Hadid
ក្រោយបែកពីសង្សារ Zayn Malik រើមកនៅផ្ទះថ្មីដ៏ប្រណីតតម្លៃរាប់លានដុល្លារ