iPhone ស៊េរីថ្មីអាចនឹងមានប្រភេទប្រើស៊ីមមួយ និងស៊ីមពីរ តម្លៃខុសគ្នា

2018-04-19 01:55:12
ចំនួនមតិ 0 | ចំនួនចែករំលែក 0

ចន្លោះមិនឃើញ

លោក Ming Chi Kuo អ្នកវិភាគដ៏ល្បីឈ្មោះលើផលិតផលថ្មីៗរបស់ក្រុមហ៊ុន Apple បានបញ្ចេញកំណត់ត្រាថ្មី និយាយអំពី iPhone ដែលចេញឆ្នាំ ២០១៨ នេះ។

រូបតំណាង

នៅក្នុងកំណត់ត្រាថ្មី លោក Kuo បានលើកឡើងថា iPhone ដែលប្រើអេក្រង់ LCD ទំហំ ៦,១ អ៊ីញ អាចនឹងមានជាពីរប្រភេទ ដោយមួយប្រើស៊ីមកាតតែមួយ និងមួយទៀតអាចប្រើស៊ីមកាតបានពីរ។ អ្នកវិភាគរូបនេះ បង្ហាញការជឿជាក់ថាប្រភេទដែលប្រើស៊ីមពីរអាចមានតម្លៃចន្លោះពី **៦៥០ ទៅ ៧៥០ ដុល្លារ** ឯប្រភេទប្រើស៊ីមមួយអាចមានតម្លៃធូរថ្លៃជាង ពោលចន្លោះពី **៥៥០ ទៅ ៦៥០ ដុល្លារ** ។

លោក Kuo បានសង្កត់ធ្ងន់ថា iPhone ប្រភេទប្រើស៊ីមកាតពីរ អាចនឹងទទួលបានការពេញនិយមខ្លាំងនៅក្នុងប្រទេសចិន ដែលនឹងជួយឲ្យទីផ្សារ Apple នៅប្រទេសចិន មានសន្ទុះឡើងវិញ។

ទាក់ទងនឹង iPhone ប្រើអេក្រង់ OLED ចំនួនពីរម៉ូដែលផ្សេងទៀត មិនត្រូវបានលើកឡើងនៅក្នុងកំណត់ត្រាថ្មីនេះទេ។ ចចាមអារ៉ាមកន្លងមក បានផ្សាយថា Apple នឹងប្រកាសចេញ iPhone ស៊េរីថ្មីចំនួន ៣ ម៉ូដែល រួមមានម៉ូដែលប្រើអេក្រង់ OLED ចំនួនពីរដែលមានទំហំ ៥,៨ និង ៦,៥ អ៊ីញ រួមនឹងម៉ូដែលប្រើអេក្រង់ LCD ដែលមានទំហំ ៦,១ អ៊ីញ៕

ចុចអាន៖

ប្រភព៖ macrumors ប្រែសម្រួល៖ សុខហេង