ចុងក្រោយ Apple សម្រេចលុបចោលកម្មវិធីលាក់រូបភាព ក្លែងបន្លំធ្វើជាម៉ាស៊ីនគិតលេខ
- 2018-04-19 01:29:11
- ចំនួនមតិ 0 | ចំនួនចែករំលែក 0
ចុងក្រោយ Apple សម្រេចលុបចោលកម្មវិធីលាក់រូបភាព ក្លែងបន្លំធ្វើជាម៉ាស៊ីនគិតលេខ
ចន្លោះមិនឃើញ
ក្រុមហ៊ុន Apple បានសម្រេចដកចោលកម្មវិធី Calculator% ចេញពី App Store ជាផ្លូវការ ក្រោយរកឃើញកម្មវិធីលាក់រូបភាពក្លែងបន្លំជាម៉ាស៊ីនគិតលេខមួយនេះ បង្កផលប៉ះពាល់ដល់យុវវ័យនិងកំពុងស្ថិតក្រោមការស៊ើបអង្កេតពីប៉ូលិសនៃចក្រភពអង់គ្លេស។ មុននេះបន្តិចនាឆ្នាំ ២០១៥ មេធាវីនៅសហរដ្ឋអាមេរិកអ្នកស្រី Pamela Casey ក៏ធ្លាប់ព្រមានដល់អាណាព្យាបាលទាំងអស់ឲ្យប្រុងប្រយ័ត្នជាមួយកូនៗជុំវិញការប្រើប្រាស់កម្មវិធីសម្ងាត់មួយនេះ។
យ៉ាងណាមិញ Calculator% ត្រូវបានជាប់ក្នុងបញ្ជីកម្មវិធីទាំង ១០ សម្រាប់យុវវ័យដែលអាណាព្យាបាលគួរមានការត្រួតពិនិត្យ។ ស្របពេលកម្មវិធី ៩ ឯទៀតក៏បូកបញ្ចូលទាំងបណ្តាញសង្គមល្បីៗដូចជា Snapchat និង Instagram ។
រំឭកថាកម្មវិធីខាងលើថ្វីបើស្ថិតក្នុងរូបភាពតំណាងជាម៉ាស៊ីនគិតលេខ ប៉ុន្តែពេលចុចចូលទៅទាមទារឲ្យយើងបញ្ចូលលេខកូដ ៤ ខ្ទង់ ដើម្បីបើកមើលរូបភាពដែលលាក់។ លុះក្រោយ Apple សម្រេចបិទផ្លូវ ពោលគឺអ្នកប្រើប្រាស់ពុំអាច Search ឃើញនៅលើ App Store ទៀតឡើយ លើកលែងលើ Google Play Store របស់ Android នៅបន្តមានបណ្តុំកម្មវិធីស្រដៀងគ្នានេះដដែល។
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
អានអត្ថបទ:
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
