ស្ទើរមិនជឿ! មន្ត្រីជំនាញរកឃើញសពនាវាអាយុរាប់សិបឆ្នាំលិចក្នុងដែនសមុទ្រខ្មែរ (មានវីដេអូ)

2018-04-19 06:53:34
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមស្រាវជ្រាវរបស់កងទ័ពជើងទឹកកម្ពុជាបានរកឃើញសពនាវាមួយគ្រឿងប្រវែង៧០ម៉ែត្រលិចនៅក្នុងដែនសមុទ្រខ្មែរ ដែលថាមានអាយុរាប់សិបឆ្នាំ តែមន្ត្រីជំនាញនៅមិនទាន់ដឹងថាជាប្រភេទនាវាអ្វី និងលិចតាំងពីពេលណាឲ្យប្រាដកនៅឡើយ។

(អ្នកស្រាវជ្រាវកំពុងមុជទឹកស្រាវជ្រាវនៅកន្លែងនាវាលិច/រូបភាព៖ Screenshot ពីវីដេអីក្នុងហ្វេសប៊ុកឯ.ទៀ សុខា)

ឯកឧត្តម ទៀត សុខា មេបញ្ជាការរងកងទ័ពជើងទឹកកាលពីថ្ងៃទី១៥ ខែមេសា ឆ្នាំ២០១៨ បានសរសេរនៅលើទំព័រហ្វេសប៊ុកថា ក្រុមអ្នកស្រាវជ្រាវបានរកឃើញនាវានេះតាំពីថ្ងៃទី៤ ខែមេសា ឆ្នាំ២០១៨ មកម្លេះ។ ឯកឧត្តមសរសេរទៀតថាក្រុមអ្នកជំនាញកំពុងស្រាវជ្រាវពីអត្តសញ្ញាណ និងអាយុកាលរបស់នាវានេះ។

ឯកឧត្តមសរសេរទៀតបន្តថា៖ «យើងមិនទាន់ដឹងច្បាស់ថានាវានេះ ជាប្រភេទនាវាអ្វី ហើយត្រូវបានលិចក្នុងសម័យកាលណានោះទេ ព្រោះថាសពនាវាមានអាយុកាលរាប់សិបឆ្នាំ ត្រូវបានផ្កាថ្មដុះពីលើ ខាងក្នុងមានហ្វូងមច្ឆា និងជីវៈចម្រុះជាច្រើន ហើយពេលនេះដែរក្រុមការងារយើងកំពុងធ្វើការបន្តសិក្សាស្រាវជ្រាវ អំពីអត្តសញ្ញាណ និងអាយុកាលរបស់នាវានេះ»៕

ចុចទស្សនា៖

អត្ថបទ៖ ទូច សុខា