មូលហេតុកម្ពុជា មិនមកយក ចាន់ វឌ្ឍនាកា ទៅលេងពាននៅប្រ៊ុយណេ

2018-04-24 03:33:51
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមបាល់ទាត់ជម្រើសជាតិក្រោមអាយុ២១ឆ្នាំបានទៅដល់ប្រទេសប្រ៊ុយណេហើយ ដើម្បីចូលរួមពានរង្វាន់ស្ដេច ស៊ូលតង់ ដោយក្នុងនោះមានកីឡាករលើសអាយុ៣នាក់ដែរបានចូលរួម។

រូបភាព FFC

លោកប្រាក់ សុវណ្ណារ៉ា បានបញ្ជាក់ថាពានរង្វាន់មួយនេះគេតម្រូវឱ្យក្រុមនីមួយៗមានកីឡាករលើសអាយុ៣នាក់ដែរ ដើម្បីចូលរួមប្រកួត។ យ៉ាងណាមិញ សម្រាប់កម្ពុជាវិញ មិនបានយក ចាន់ វឌ្ឍនាកា ចូលលេងនោះទេ ត្បិតអីរូបគេជាកីឡាករល្អនិងជួយក្រុមបានច្រើនក៏ដោយ។ ចំពោះហេតុផលនោះ គឺដោយសារតែខ្សែប្រយុទ្ធកម្ពុជា កំពុងរវល់ជាមួយក្រុម Pahang ក្នុងការប្រកួតលីគកំពូលម៉ាឡេស៊ី។ មួយវិញទៀត ការយកកីឡាករក្នុងក្លឹបលេងនៅលីគកម្ពុជា ក៏ជារឿងល្អ ដើម្បីឱ្យពួកគេបានបទពិសោធថ្មីបន្ថែមទៀត។

ចាន់ វឌ្ឍនាកា

ក្រុមបាល់ទាត់ U21 កម្ពុជា ស្ថិតនៅពូល B ជាមួយក្រុមជម្រើសជាតិ U21 ឡាវ និង U21 សិង្ហបុរី។ រីឯកម្មវិធីប្រកួតក្នុងពូល B នេះវិញ នឹងចាប់ផ្ដើមថ្ងៃទី២៥ ខែមេសា ឆ្នាំ២០១៨ ដោយក្រុមសិង្ហបុរី ជួប ឡាវ ស្របពេលក្រុមកម្ពុជាប៉ះឡាវថ្ងៃទី២៨ និងប៉ះក្រុមសិង្ហបុរីថ្ងៃទី៣០ ខែមេសា ឆ្នាំ២០១៨។

ពានរង្វាន់នេះដែរ ក្រុមដែលទទួលបានចំណាត់ថ្នាក់លេខ១នឹងទទួលរង្វាន់ ១៥ ២០០ដុល្លារ លេខ២ទទួលបាន៧ ៦០០ដុល្លារ និងលេខ៣ទទួលបាន៣ ៨០០ដុល្លារ៕

អត្ថបទ៖ មុន្នីរម្យ