ច្បាស់ការហើយព័ត៌មាន នី រតនា ភ្ជាប់ពាក្យជាមួយកូនអ្នកជំនួញ

2018-04-24 05:41:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ដំណឹង នី រតនា ភ្ជាប់ពាក្យជាមួយនារី រូបស្រស់សោភាកូនអ្នកជំនួញម្នាក់ កំពុងតែធ្វើឲ្យមហាជនទាំងក្នុង និងក្រៅសិល្បៈមានការភ្ញាក់ផ្អើលយ៉ាងខ្លាំង ធ្វើឲ្យមតិមួយចំនួនមានការសួរដេញដោលថា៖"តើជាការពិតទេ ចំពោះព័ត៌មានតារាចម្រៀងមកពីខេត្ត កំពង់ធំ រូបនេះភ្ជាប់ពាក្យ?”។

ពាក់ព័ន្ធព័ត៌មានខាងលើ នី រតនា ជាភាគីដែលពាក់ព័ន្ធបានឲ្យដឹងថា ជាការពិតខ្លួន និងអនាគតគូដណ្ដឹងបានស្រឡាញ់មើលចិត្តថ្លើមគ្នាមានរយៈពេលយូរគួរសមដែរហើយ ទើបសម្រេចឲ្យឪពុកម្ដាយចូលស្ដីដណ្ដឹង និងភ្ជាប់ពាក្យនៅចុងខែ មេសា ឆ្នាំ ២០១៨ នេះតែម្ដងទៅ។

ម្ចាស់ពាន Cambodian Idol រដូវកាលទី១ រូបនេះបន្ថែមថា ក្រោយពីភ្ជាប់ពាក្យរួចគម្រោង រៀបការនៅពេលណានោះខ្លួនមិនទាន់ដឹងច្បាស់ទេ អ្វីគ្រប់យ៉ាងគឺអាស្រ័យទៅលើពេលវេលា នៅថ្ងៃខាងមុខទៀត។

នី រតនា និងនារី ដែលសង្ស័យថា នឹងភ្ជាប់ពាក្យជាមួយ នី រតនា នៅចុងខែ មេសា ឆ្នាំ ២០១៨ នេះ

“ អនាគតគូដណ្ដឹងខ្ញុំគាត់គឺជាកូនអ្នកជំនួញម្នាក់នៅភ្នំពេញបង ពួកយើងស្រឡាញ់គ្នាយូរគួរសមដែរហ្នឹងមុន នឹងភ្ជាប់ពាក្យ ហើយគាត់ឈ្មោះ និងរូបរាងគាត់ខ្ញុំសុំលាក់សិន ប៉ុន្តែខ្ញុំនឹងបង្ហាញនៅថ្ងៃភ្ជាប់ពាក្យខាងមុខនេះ"។ នេះបើតាម នី រតនា បញ្ជាក់៕

អត្ថបទ៖ ឆុង ស៊ីណាន