សូមសរសើរ! តួទេពធីតាអង្គរសង្រ្កាន្តឆ្នាំនេះ មានបំណងធំមួយជួយសិល្បៈខ្មែរ

2018-04-26 01:00:00
ចំនួនមតិ 0 | ចំនួនចែករំលែក 0

ចន្លោះមិនឃើញ

តួទេពធីតាព្រឹត្តិការណ៍អង្គរសង្ក្រានឆ្នាំនេះអ្នកណាក៏កោតសរសើរពីសម្រស់ ដ៏ផូរផង់របស់នាង។ ប៉ុន្តែតួទេពធីតាឆ្នាំចនេះកំពុងមានបំណងដើម្បីប្រឡងចូលជាគ្រូ បង្រៀននៅ សាលាមធ្យមសិក្សានិងវិចិត្រសិល្បៈ ក្នុងឆ្នាំនេះដើម្បីបានសាបព្រោះចំណេះតែខ្លួនមាន។

តួទេពធីតាឆ្នាំថ្មី ក្នុងព្រឹត្តិការណ៍អង្គរសង្ក្រាន បានធ្វើឲ្យមហាជនទូទៅសរសើរមិនដាច់ពីមាត់ ពីរូបសម្បត្តិនិងសាច់ឈាមស្រស់ថ្លានោះ មានឈ្មោះថា សុគា គឹមលាង។ នាងតូចមានវ័យ២០ ឆ្នាំ បច្ចុប្បន្ននេះ នាង គឺជានាដកាដ៏ពូកែម្នាក់ ដែលបានទទួលការបណ្ដុះបណ្ដាល នៅសាលាមធ្យមសិក្សានិង វិចិត្រសិល្បៈ ។

ស្របពេលនឹងការមានមោទកភាពចំពោះខ្លួនឯងដែលបានគ្រង់ដំណែងជាមួយទេពធីតា ថ្មី ៗនេះ។ ស្រីស្រស់រូបនេះបាន ប្រាប់Sabayថានាងកំពុងតែព្យាយាមស្វែងរកគោលមួយដ៏ចាំបាច់មួយ គឺនាងចង់ក្លាយជាអ្នកគ្រូបង្រៀននៅសាលាមធ្យមសិក្សា និងវិចិត្រសិល្បៈ ដើម្បីបង្រៀនក្មេងជំនាន់ក្រោយនៅទីនោះ។ «ការពិតខ្ញុំពិតជារវល់ច្រើននៅពេលនេះ ខ្ញុំមិនទាន់បាន ចូលរៀននៅសាកលវិទ្យាល័យទេ ប៉ុន្តែក្នុងឆ្នាំនេះខ្ញុំមានបំណងប្រឡងឲ្យជាប់ធ្វើជាគ្រូបង្រៀននៅសាលាមធ្យមសិក្សាឲ្យបាន។» កញ្ញា សុគា គឹមលាង បន្ថែម។

ស្រីស្រស់ម្នាក់បានចំណាលពេលហាត់របាំបុរាណអស់រយៈពេល១០ឆ្នាំមក ហើយនាងធ្លាប់បានទៅសម្ដែងនៅក្រៅប្រទេស ជាច្រើនមានប្រទេស ចិន វៀតណាម អាឡឺម៉ង ជាដើម្បីផ្សាយពីវប្បធម៌ជាតិ ។ នៅពេលនេះនាងកំពុងទទួលបានតួនាទីជាអ្នក តំណាងឲ្យផលិតផល កាបូបឲ្យហាងល្បីមួយ និង ជាតំណាងឲ្យមន្ទីរពេទ្យមួយកន្លែងទៀតផង។ ជាងនេះនាងក៏ត្រូវបានក្រសួងមន្ទីរមួយចំនួនស្នើឲ្យនាងរាំជូនភ្ញៀវជាតិនិងអន្តរជាតិ ទស្សនាទាំងក្នុងនិងក្រៅប្រទេសទៀតផង។

នារីរួសរាយ រាក់ទាក់ម្នាក់នេះគ្មានសាច់ញាតិ ជាអ្នកសិល្បៈទេ តែក៏គ្មាន អ្នកហាមឃាត់នាងដើរចូលវិថីសិល្បៈ បុរាណនេះដែរ។ ទោះជាមាននិស្ស័យចំពោះការសម្ដែងក្នុងសិល្បៈសម័យក៏ដោយ ប៉ុន្តែក្រុមគ្រួសារងារ មិនអនុញ្ញាតិ នោះទេ។ ជា កូនអ្នករាជធានីភ្នំពេញ ដែលមាន ឪពុកម្ដាយជាអាជីវករ ។ ស្រីស្រស់រូបនេះជាកូនច្បងដែលមានបងប្អូនចំនួន ៥នាក់ ប្រុស ២នាក់ ស្រី៣នាក់៕