ការអាប់ដេត Xbox One ក្នុងខែមេសានេះ ញាក់សាច់ហ្មង!

2018-04-25 04:05:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Microsoft ទើបតែបញ្ចេញការអាប់ដេតថ្មីសម្រាប់ឧបករណ៍លេងហ្គេមរបស់ខ្លួនគឺ Xbox One ដែលផ្ដោតទៅលើរូបភាពវីដេអូ និងប្រព័ន្ធសំឡេង។

អ្វីដែលពិសេសបំផុតនោះគឺកំណែអាប់ដេតថ្មីនេះ អាចឲ្យ Xbox One S និង Xbox One X គាំទ្រជាមួយអេក្រង់ ដែលមាន Resolution រហូតទៅដល់ 2K (1440p) ជាអេក្រង់ ដែលពេញនិយមបំផុតសម្រាប់អ្នកលេងហ្គេមនាពេលបច្ចុប្បន្ន។ មិនត្រឹមតែប៉ុណ្ណោះ Microsoft ក៏បានផ្ដល់ការគាំទ្រដល់ AMD FreeSync ដែលជួយឲ្យអេក្រង់មួយចំនួនអាច sync ល្បឿន Refresh rate ជាមួយ Console របស់ខ្លួនបាន។

បច្ចេកវិទ្យា FreeSync របស់ AMD ក៏ដូចទៅនឹង G-Sync របស់ Nvidia ជួយឲ្យអេក្រង់ដើររលូនល្អទោះបីមាន Refresh Rate ទាបក៏ដោយចុះ។ ក្រៅពីនេះ Microsoft ក៏បញ្ចេញបច្ចេកវិទ្យាគាំទ្រពេលផ្លាស់ប្ដូរទៅកាន់ការលេងហ្គេមលើទូរទស្សន៍វិញដែរ។ បច្ចេកវិទ្យាមួយទៀត ដែល Microsoft ហៅថា Auto Low-Latency Mode ដែលគាំទ្រការផ្លាស់ប្ដូរពី TV ទៅ Game mode ហើយវាភាពរអាក់រអួលតិចជាងមុននៅលើទូរទស្សន៍ប្រភេទថ្មីទាំងឡាយ។

និយាយពីប្រព័ន្ធសំឡេងវិញ លើកនេះអ្នកប្រើប្រាស់ Xbox One នឹងទទួលបានបទពិសោធន៍សំឡេង Surround Sound ពេញលេញតែម្ដងនៅពេលដែលអ្នកកំពុងដើរនៅក្នុងហ្គេម។ លើសពីនេះទៅទៀត អ្នកលេងក៏អាចកំណត់សំឡេង Background ឲ្យត្រូវតាមចិត្តផងដែរ៕

ចុចអាន៖

ប្រភព៖ theverge ប្រែសម្រួល៖ ផាត សុវត្ថិ