Zidane សរសើរ Asensio យ៉ាងម៉េចខ្លះក្រោយស៊ុតឲ្យ Real ឈ្នះ Bayern
- 2018-04-26 02:46:24
- ចំនួនមតិ 0 | ចំនួនចែករំលែក 0
Zidane សរសើរ Asensio យ៉ាងម៉េចខ្លះក្រោយស៊ុតឲ្យ Real ឈ្នះ Bayern
ចន្លោះមិនឃើញ
Real Madrid បានឈ្នះប្រកួតដ៏សំខាន់សម្រាប់ជើងទីមួយវគ្គពាក់កណ្ដាលផ្ដាច់ព្រ័ត្រ UEFA Champions League ទល់នឹង Bayern Munich។
ជ័យជម្នះ២ទល់នឹង១ក្រៅទឹកដីគឺជាការត្រួសត្រាយផ្លូវទៅកាន់វគ្គផ្ដាច់ព្រ័ត្រនៅប្រទេសអ៊ុយក្រែនលើកទី៣ជាប់ៗគ្នា។ បាល់២គ្រាប់វាយបករបស់ Real Madrid បានមកពីថ្វីជើងខ្សែការពារ Marcelo នាទី៤៤ និង Asensio នាទី៥៧។
យ៉ាងណាពេលចប់ការប្រកួតលោក Zinedine Zidane បានសរសើរ Asensio មិនដាច់ពីមាត់ចំពោះគ្រាប់ជ័យជម្នះរបស់គេ។ "ពួកយើងរងការឈឺចាប់ច្រើន ទាំងពេលចាប់ផ្ដើម និងជិតចប់ការប្រកួត ប៉ុន្តែយ៉ាងណាយើងបានទទួលលទ្ធផលល្អ។ អ្នកពិតជាមិនអាចលេង Champions League ដោយគ្មានកីឡាកររបួសនោះទេ"។
"គួរឲ្យសោកស្ដាយដែលយើងមានបញ្ហាកម្លាំងសំខាន់ពីរគឺ Isco និង Carvajal ប៉ុន្តែអវត្តមានរបស់ Marco Asensio បានកែប្រែស្ថានការណ៍ និងធ្វើឲ្យមានការផ្លាស់ប្ដូរ"។ បុរសជនជាតិបារាំងនិយាយដូច្នេះ។
គួរបញ្ជាក់ថា Asensio យប់មិញលេងជាកីឡាករបម្រុងប៉ុណ្ណោះ និងត្រូវប្ដូរចូលនាទី៤៦ ជំនួស Isco ដែលមានរបួស។ កីឡាករវ័យ២២ឆ្នាំបានក្លាយជាវីរបុរសស៊ុតឲ្យ Real ឈ្នះការប្រកួតនៅ១១នាទីបន្ទាប់៕