James សារភាពត្រង់ៗថា បានខឹង ក្រោយ Bayern ចាញ់ Real យប់មិញ
- 2018-04-26 12:35:13
- ចំនួនមតិ 0 | ចំនួនចែករំលែក 0
James សារភាពត្រង់ៗថា បានខឹង ក្រោយ Bayern ចាញ់ Real យប់មិញ
ចន្លោះមិនឃើញ
ខ្សែបម្រើប្រយុទ្ធ James Rodriguez សារភាពថាខឹង ក្រោយ Bayern Munich ចាញ់ Real Madrid ២-១ ក្នុងជំនួបជើងទី ១ Champions League យប់មិញ។
កីឡាករកូឡុំប៊ី បាននិយាយថា៖ "ខ្ញុំខឹងណាស់ ព្រោះ Bayern លេងបានល្អមែនទែន។ Real Madrid មានឱកាសធំៗ ២ដង ហើយពួកគេស៊ុតចូលបានសម្រេច។ យើងវិញ មានឱកាសដល់ទៅ ៤ ទៅ ៥ដងទៅហើយ តែធ្វើមិនបានជោគជ័យ។ តែណ្ហើយ នេះហើយបាល់ទាត់។ ឥឡូវយើងត្រូវប្រុងប្រៀបសម្រាប់ជំនួបជើងទី ២ ខាងមុខនៅ កីឡដ្ឋាន Bernabeu"។
ដោយឡែកពេលអ្នកសារព័ត៌មានសួរទាក់ទិននឹងអនាគតខ្លួន អតីតខ្សែបម្រើប្រយុទ្ធ Monaco រូបនេះ បានបដិសេធក្នុងការផ្ដល់ចម្លើយ ដោយបានថ្លែងថា៖ "គ្មាននរណាដឹងពីរឿងដែលនឹងត្រូវកើតឡើយនាពេលអនាគតនោះឡើយ"។
ក្នុងប្រកួតយប់មិញ ខ្សែការពារស្លាបវ័យក្មេង Joshua Kimmich បានរកបានមួយគ្រាប់នៅនាទី ២៨ ជួយ Bayern នាំមុខ។ ទោះជាយ៉ាងណា មួយគ្រាប់របស់ Marcelo (នាទី ៤៤) និង មួយគ្រាប់ទៀតរបស់ខ្សែបម្រើអេស្ប៉ាញ Marco Asensio (នាទី ៥៧) ជួយ Real Madrid ធ្វើបានសម្រេចក្នុងការវាយបកឈ្នះក្លឹបយក្សអាល្លឺម៉ង់ នៅកីឡដ្ឋាន Allianz Areana។
Real Madrid នឹងបើកទ្វារស្វាគមន៍ Bayern Munich នៅជំនួបជើងទី ២ Champions League វគ្គពាក់កណ្ដាលផ្ដាច់ព្រ័ត្រ នៅថ្ងៃទី ២ ឧសភា ខាងមុខ៕