iPhone ២០១៨ អាចលក់ធូរថ្លៃ តែកុំមើលគ្រឿងក្នុងប្ដូរសឹងទាំងអស់

2018-04-27 11:16:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ដើម្បីសម្រេចបាន iPhone ទំនើបបំពាក់ Face ID អេក្រង់លាតពេញក្នុងតម្លៃធូរថ្លៃជាងមុន Apple អាចកាត់បន្ថយមុខងារជាច្រើនធ្លាប់បំពាក់ iPhone X។

Apple អាចបញ្ចេញម៉ូដែល iPhone ដ៏ទំនើបតម្លៃធូរថ្លៃ ដើរតាមគន្លងរបស់ iPhone SE, iPhone 8 និង iPad ថ្មី ២០១៨ ដោយបន្ថយយ៉ាងប្រុងប្រយ័ត្ននូវមុខងារកម្រិតចុងក្រោយមួយចំនួន ដើម្បីរក្សាតម្លៃឲ្យនៅទាប។

អ្វីជាការផ្លាស់ប្តូរសម្រាប់ការបន្ថយតម្លៃលើទូរសព្ទ iPhone 2018 មានដូចជា៖

អេក្រង់៖ ត្រលប់ទៅប្រើបច្ចេកវិទ្យា LCD ជំនួស OLED វិញ។
កាមេរ៉ាក្រោយ៖ ប្រើកាមេរ៉ាក្រោយតែមួយគ្រាប់ ដូចលើ iPhone 8។
កាមេរ៉ាមុខ៖ នៅបន្តប្រើប្រព័ន្ធកាមេរ៉ា Selfie TrueDepth ជំនាន់ទីមួយ ជាជាង TrueDepth 2 ជំនាន់ទីពីរ ដែលរំពឹងមានលើ iPhone ២០១៨។
លុបចោលមុខងារមួយចំនួន៖ 3D Touch ឬមុខងារបង្ហាញពណ៌ដូចជា True Tone Display និង Wide Color Display។
បន្ថយ ឬប្រើទំហំ RAM ដដែល៖ iPhone X និង 8 Plus មាន RAM 3GB ខណៈ iPhone 8 មានត្រឹម 2GB។
បន្តប្រើ CPU A11៖ មិនហក់លោតទៅប្រើ Chip A12 ថ្មី ដែលបំពាក់ប្រើលើ iPhone ២០១៨។
កាត់ចោលមុខងារសាកថ្មតាម Wireless៖ សូម្បីតែ AirPower សាកថ្មតាម Wireless របស់ Apple បានប្រកាសចេញក៏ដោយ។

iPhone X តម្លៃខ្ទង់ពាន់ដុល្លារបានពញ្ញាក់ពិភពស្មាតហ្វូន ពេលក្រុមហ៊ុន Apple បានបំបែកកំណត់ត្រាតម្លៃទូរសព្ទ ដើម្បីបង្កើនប្រាក់ចំណេញ។ របាយការណ៍ថ្មីមួយពីវេបសាយ Counterpoint Research វាយតម្លៃថា iPhone X ទទួលបាន ៣៥% នៃប្រាក់ចំណេញរបស់ទូរសព្ទជាសកល នៅត្រីមាសទី ៤ ឆ្នាំ ២០១៧៕