Apple បញ្ចេញ iOS 11.3.1 លួងចិត្តអ្នកប្រើ iPhone 8/8 Plus

2018-04-25 10:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុន Apple បានបន្តដាក់ឲ្យប្រើប្រាស់នូវប្រព័ន្ធប្រតិបត្តិការ iOS 11.3.1 ថ្មីមួយបន្ថែមទៀត ដើម្បីកែកំហុសឆ្គងក្រោយផ្ទុះការរិះគន់ពីសំណាក់អ្នកប្រើប្រាស់ភាគច្រើន។ ដោយកន្លងទៅត្រកូល iPhone 8/8 Plus រាប់ពាន់គ្រឿង លេចឮថាជួបបញ្ហា Touch លែងដំណើរការ ក្រោយ Update មកកាន់ iOS 11.3 ប្រសិនណាអ្នកប្រើប្រាស់ធ្លាប់ដោះដូរអេក្រង់ជាមួយជនទីបី ខុសពីអេក្រង់ដើមរបស់ Apple។

ម្ល៉ោះហើយដើម្បីលួងចិត្តអតិថិជនក្រុមហ៊ុនលោក Tim Cook ក៏ប្រញាប់បញ្ចេញកំណែ iOS ថ្មីភ្លាមៗ ដែលក្រៅពីកែកំហុសលើ iPhone 8 ហើយ ពោលក៏ពង្រឹងបន្ថែមលើប្រព័ន្ធសុវត្ថិភាពមួយចំនួនថែមទៀតផង។

នេះសោតពុំមានការកែប្រែច្រើនដូចជំនាន់ iOS 11.3 កាលពីខែមុននោះទេ ម្ល៉ោាះអ្នកប្រើប្រាស់អាចធ្វើការដំឡើងបានយ៉ាងរហ័សតាមរយៈប្រព័ន្ធ OTA នៅទំហំ 49,5MB ស្ថិតក្នុង Settings > General > Software Update ជាការស្រេច។