ចាំយូរទេ? ក្មេងខ្មែរ ប្រកាសចេញអាល់ប៊ុម My Way 2 ហើយ
- 2018-04-28 04:51:38
- ចំនួនមតិ 0 | ចំនួនចែករំលែក 0
ចាំយូរទេ? ក្មេងខ្មែរ ប្រកាសចេញអាល់ប៊ុម My Way 2 ហើយ
ចន្លោះមិនឃើញ
បទថ្មីជាការនិពន្ធ ផលិតតន្រ្តីដោយក្មេងខ្មែរ មានពន្លឺ និងសុជាតិ ដែលមានអត្ថន័យ និងចង្វាក់រាំកប់ស៊េរី ត្រៀមមកអង្រួនវិស័យតន្រ្តីនៅស្រុកខ្មែរម្តងទៀតហើយ ក្នុងអាល់ប៊ុម My Way 2។
My Way 2 ឬ ផ្លូវរបស់ខ្ញុំ វគ្គ២ ជាអាល់ប៊ុមបំពេញបន្ថែមពី My Way លើកទី១ ដែល ក្មេងខ្មែរ ចេញផ្សាយលើកដំបូងដោយមានការជំរុញបន្ថែមពី កញ្ញា ម៉ម ឡូរ៉ា។ អាល់ប៊ុមថ្មីនេះ មានបទចម្រៀង ៩ បទពីក្មេងខ្មែរ ដែលមានផ្សាយជារៀងរាល់ថ្ងៃនៅលើ Smart Music ចាប់ពីថ្ងៃនេះតទៅ។
បើតាមការបញ្ជាក់របស់ ពន្លឺ និង សុជាតិ បទចម្រៀង ទាំង៩បទនេះ និយាយច្រើនពីជីវិតជាតារាចម្រៀង ពិសេសគឺពន្លឺ និយាយរៀបរាប់ពីជីវភាពរបស់ខ្លួន និងបទពិសោធន៍លើវិថីដ៏វែងឆ្ងាយ ថែមទាំងងាយស្រួលបាត់បង់នេះ។ ពន្លឺ បន្តថាក្នុងបទចម្រៀងទាំង ៩ បទ មានមួយបទដែលលោកពេញចិត្តជាងគេ វានឹងបង្ហាញប្រិយមិត្តពីសង្គមសិល្បៈ ហើយប្រិយមិត្តពិតជាចង់ដឹងហើយថាមានអ្វីក្នុងវិថីមួយនេះ។
កំលោះសង្ហា សុជាតិ សង្ឃឹមថាប្រិយមិត្តគាំទ្រ ក្មេងខ្មែរ នឹងរង់ចាំស្តាប់បទចម្រៀងក្នុងអាល់ប៊ុមថ្មីនេះ តាមកម្មវិធី Smart Music។ អ្វីដែលពិសេសទៀតនេះ ក្មេងខ្មែរ ក៏មានការប្រគំតន្រ្តីក្នុងថ្ងៃទី ៥ ខែឧសភា ឆ្នាំ២០១៨ នេះ ដើម្បីអបអរការចេញផ្សាយអាល់ប៊ុម My Way 2៕