PKNP FC ចែកផ្លូវគ្នាជាមួយ កែវ សុខផេងក្រោមមូលហេតុជាច្រើន
- 2018-04-28 06:41:18
- ចំនួនមតិ 0 | ចំនួនចែករំលែក 0
PKNP FC ចែកផ្លូវគ្នាជាមួយ កែវ សុខផេងក្រោមមូលហេតុជាច្រើន
ចន្លោះមិនឃើញ
ក្លឹបបាល់ទាត់ម៉ាឡេស៊ី PKNP FC បានបញ្ចប់កិច្ចសន្យាជាមួយខ្សែប្រយុទ្ធកម្ពុជា កែវ សុផេង បន្ទាប់ពីរូបគេបង្ហាញទម្រង់លេងមិនល្អនាពេលកន្លងទៅ។ នេះតាមការចុះផ្សាយរបស់ Goal.com
លោក Abu Bakar Fadzim ដែលជាគ្រូរបស់ក្លឹប PKNP បានបញ្ជាក់ព័ត៌មានខាងលើ អំឡុងពេលក្នុងកិច្ចសម្ភាសន៍ បន្ទាប់ពីក្រុមលោកលេងស្មើជាមួយក្លឹប PKNS FC ១ទល់នឹង១ ក្នុងពានលីគកំពូលម៉ាឡេស៊ី កាលពីម្សិលមិញ។
Abu Bakar Fadzim បានបង្ហាញពីចំណុចដែលក្លឹបសម្រេចចែកផ្លូវជាមួយកែវ សុផេងថា៖ "សុផេង ប្រឹងខ្លាំងដើម្បីសម្របជាមួយនឹងក្លឹប។ វាជាលើកដំបូងដែលគេចេញពីប្រទេសកម្ពុជាមកលេងក្រៅស្រុក ហើយគេពិបាកដោះស្រាយ នូវអ្វីដែលក្លឹបទាមទារ។ គេមិនទាន់មានរាងកាយមាំមួន មិនសូវចេះការពារ ល្អបានតែការគ្រប់គ្រងបាល់នៅនឹងជើង។ មួយវិញទៀត គេប្រហែលជានឹកផ្ទះ។ គេក៏បានយល់ពីស្ថានភាពនេះ ហើយក៏មានការពិភាក្សាច្រើនមុនការបញ្ចប់គេនៅទីនេះ"។
កែវ សុផេង បានចុះកុងត្រារយៈពេល១ឆ្នាំ ផ្លាស់ពីភ្នំពេញក្រោនទៅលេងឲ្យ PKNP FC កាលពីចុងឆ្នាំ២០១៧។ នៅ PKNP FC គេបង្ហាញខ្លួនបាន៤ប្រកួត ទាត់បញ្ចូលទី១គ្រាប់៕
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
