បណ្ដាខ្សែរឿងរបស់ Marvel ត្រៀមបញ្ចាំងបន្ទាប់ពីរឿង Avengers: Infinity War

2018-05-02 04:15:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែភាពយន្តថ្មីរបស់ Marvel រឿង Avengers: Infinity War កំពុងតែទទួលបានការគាំទ្រពីសំណាក់អ្នកទស្សនាជុំវិញពិភពលោក ដែលជាហេតុធ្វើឲ្យរឿងមួយនេះនៅតែបំបែកកំណត់ត្រា Box Office រហូតមកដល់ពេលនេះដដែល។

ទោះជាយ៉ាងណា នេះមិនមែនជារឿងចុងក្រោយរបស់ Marvel នោះទេ ក្នុងអំឡុងឆ្នាំ២០១៨ និង ២០១៩ រហូតដល់ ២០២០ ខាងមុខនេះ ខ្សែភាពយន្តរបស់ Marvel ជាច្រើនបានកំពុងត្រៀមខ្លួនសម្រាប់បម្រើអារម្មណ៍អ្នកទស្សនារបស់ខ្លួន។

១. រឿង Deadpool 2 (២០១៨)

ខ្សែភាពយន្តប្រភេទ Superhero មួយនេះគ្រោងនឹងចាក់បញ្ចាំងនៅគ្រប់រោងភាពយន្ត នៅថ្ងៃទី១៨ ខែឧសភា ឆ្នាំ២០១៨ខាងមុខនេះ។

២. រឿង Ant-Man And The Wasp (២០១៨)

ខ្សែភាពយន្ត Ant-Man ទីពីរនេះ នឹងត្រូវចាក់បញ្ចាំងជាផ្លូវការនៅថ្ងៃទី ០៦ ខែកក្កដា ឆ្នាំ២០១៨។

៣. រឿង Captain Marvel (២០១៩)

រឿងថ្មីរបស់ Marvel មួយនេះនឹងត្រូវចាក់បញ្ចាំងជាផ្លូវការនៅថ្ងៃទី០៨ ខែមីនា ឆ្នាំ២០១៩។

៤. រឿង Avengers 4 (២០១៩)

Avengers 4 ជារឿងថ្មីមួយដែលនឹងភ្ជាប់ដំណើរសាច់រឿងគិតចាប់ពីរឿង Iron-man ក្នុងឆ្នាំ២០០៨ មក នេះបើតាម Marvel បានបញ្ជាក់។ រឿងប្រភេទ Superhero មួយនេះនឹងចាក់បញ្ចាំងនៅថ្ងៃទី០៣ ខែឧសភា ឆ្នាំ២០១៩។

៥. រឿង Gambit (២០១៩)

តួអង្គ Gambit ដែលជាសមាជិកមួយរូបរបស់ X-Men ក្នុងខ្សែភាពយន្តថ្មីក្នុងនាមជាតួឯកនេះ នឹងចាក់បញ្ចាំងនៅថ្ងៃទី ០៧ ខែមិថុនា ឆ្នាំ២០១៩។

៦. រឿង Spider-Man: Homecoming 2 (២០១៩)

រឿង Spider-Man បន្ទាប់នេះ គ្រោងនឹងចាក់បញ្ចាំងនៅថ្ងៃទី ០៥ ខែកក្កដា ឆ្នាំ២០១៩ខាងមុខ។

៧. រឿង Guardains of the Galaxy Vol.3 (២០២០)

ដោយសារតែរឿង Guardains of the Galaxyភាគ៣នេះ គ្រោងនឹងចេញក្នុងឆ្នាំ២០២០នោះ អាចបញ្ជាក់ឲ្យឃើញថាតួអង្គទាំងប៉ុន្មានដែលបានរលាយខ្លួនក្នុងរឿង Avengers: Infinity War អាចនឹងរស់រានឡើងវិញក្នុងរឿង Avengers 4៕

ចុចអាន៖

ប្រភព៖ metro.co.uk ប្រែសម្រួល៖ អន សុភក្ត្រា