ហ៊ានលោតទេ? ចិន សាងសង់កន្លែងលោតខ្សែ ភ្ជាប់ពីក្រោមស្ពានកញ្ចក់ ខ្ពស់បំផុតលើលោក
- 2018-05-02 08:30:30
- ចំនួនមតិ 0 | ចំនួនចែករំលែក 0
ហ៊ានលោតទេ? ចិន សាងសង់កន្លែងលោតខ្សែ ភ្ជាប់ពីក្រោមស្ពានកញ្ចក់ ខ្ពស់បំផុតលើលោក
ចន្លោះមិនឃើញ
ក្រុមកម្មករនៅក្នុងប្រទេសចិន ស្ទើរតែបានបញ្ចប់ការសាងសង់នៃកន្លែងលោតខ្សែ (Bungee) ដែលភ្ជាប់ទៅនឹងស្ពានកញ្ចក់ដ៏ខ្ពស់មួយ។
កន្លែងលោតខ្សែចំនួនពីរ តភ្ជាប់ពីផ្នែកខាងក្រោមនៃស្ពានកញ្ចក់តម្លៃ ៦៥ លានដុល្លារដ៏គួរឲ្យទាក់ទាញ ដែលស្ថិតនៅឧទ្យាន Zhangjiajie Grand Canyon នោះ មានកម្ពស់រហូតដល់ទៅ ២៦០ ម៉ែត្រពីដី។ នៅពេលសាងសង់រួច វានឹងក្លាយជាកន្លែងលោតខ្សែខ្ពស់បំផុតនៅលើពិភពលោក។
អ្នកនាំពាក្យនៃឧទ្យានខាងលើ បាននិយាយថា អ្នកទេសចរអាចលោតពីខាងលើ ដោយភ្ជាប់ទៅនឹងខ្សែប្រវែងយ៉ាងហោចណាស់ ៥០ ម៉ែត្រ។ ជាមួយគ្នានេះដែរ អ្នកនាំពាក្យបញ្ជាក់ថា ការលោតនឹងមិនប៉ះពាល់ដល់ស្ពានកញ្ចក់ឡើយ ដោយសារតែវាអាចទប់ទល់នឹងការប៉ះទង្គិច រហូតដល់ទៅ ៤០ តោនឯណោះ។
យ៉ាងណាមិញ កន្លែងលោតខ្សែដ៏គួរឲ្យស្រៀវស្រើបនោះ នឹងត្រូវឆ្លងកាត់ការត្រួតពិនិត្យផ្នែកសុវត្ថិភាពឡើងវិញម្តងទៀត មុនពេលដាក់ឲ្យដំណើរការជាសាធារណៈ៕
សូមទស្សនាវីដេអូខាងក្រោម៖
ចុចអាន៖
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
