មិនធម្មតា យីហោថ្មីទើបបើកសោះ តែ តូតា លក់ franchise បានជិត១០ម៉ឺនដុល្លារឯណោះ
- 2018-05-04 03:21:00
- ចំនួនមតិ 0 | ចំនួនចែករំលែក 0
មិនធម្មតា យីហោថ្មីទើបបើកសោះ តែ តូតា លក់ franchise បានជិត១០ម៉ឺនដុល្លារឯណោះ
ចន្លោះមិនឃើញ
បន្ទាប់ពីទទួលបានការគាំទ្រពីអតិថិជនកាន់តែច្រើន មុខជំនួញហាងផឹកស៊ី "ផែសមុទ្រ" របស់តារាសម្ដែង និងជាពិធីការិនី ម៉ាក់ សែនសូនីតា មានអ្នកជំនួញម្នាក់សម្រេចចិត្តទិញ ម៉ាកយីហោមួយនេះទៅបើករកស៊ីបន្តហើយ តម្លៃនៃការលក់ franchise ជាលើកដំបូងនេះ តូតា បង្ហើបថា មានតម្លៃជិត១០ម៉ឺនដុល្លារឯណោះ។
ហាង "ផែសមុទ្រ" ដែលជាសាខាទី៤ ហើយតារាស្រីខាងលើបានលក់នោះ គឺនៅខាងលិចផ្សារកាប់គោ ដោយបានធ្វើបើកសម្ពោធកាលពីល្ងាចមិញក្រោយវត្តមានអ្នកសិល្បៈជាច្រើនរូបចូលរួម។ តូតាបានឲ្យដឹងថា ការលក់ franchise ជាលើកដំបូងនៃហាង"ផែសមុទ្រនេះ គឺនាងបានលក់ឲ្យមិត្តភក្តិ របស់នាង ដោយនៅក្នុងនោះ ទាំងការរៀបចំហាងបុគ្គលិក ក៏ដូចជាសេវាកម្មផ្សេងទៀតគឺ ខាងនាងជាអ្នករៀបចំឲ្យទាំងអស់។
ការរៀបចំទៀតសោត គឺមានលក្ខណៈស្តង់ដារ ដូចនឹងហាង"ផែសមុទ្រ" សាខាផ្សេងទៀតដែរ។ តូតា បញ្ចេញថា ទម្រាំបើកចេញសម្ពោធ គឺត្រូវចំណាយខ្ទង់៧ទៅ៩ម៉ឺន ដុល្លារ ឯណោះ ហើយនាងគ្រោងបើក១២សាខាទូទាំងរាជធានីភ្នំពេញ។
ជំនួញដែលប្រើដើមទុនច្រើនសន្ធឹកសន្ធាប់ខាងលើនេះ មានភាគហ៊ុនតែ២ ប៉ុណ្ណោះ គឺនាង និង មិត្តភ័ក្ដិម្នាក់ទៀតដែលជាអ្នកចាំមើលផ្ទាល់តែម្ដង ចំណែកនាង មិនសូវមានពេលគ្រប់គ្រាន់មើលផ្ទាល់ឡើយ ត្បិតអីជាប់រវល់ការងារសិល្ប ។
តូតា លើកឡើងថា សម្រាប់ការលក់ franchiseនេះ នាងមិនដឹងថា គួរតែលក់បន្តទៀតឬយ៉ាងណានោះទេ រង់ចាំពិភាក្សាជាមួយដៃគួរជំនួញនាងសិន។ ទទឹមគ្នានឹងការបើកសាខា លើទីតាំងភ្នំពេញជាបន្តបន្ទាប់នេះ នាងមានគម្រោងបើកសាខាតាមបណ្ដាខេត្តជាបន្តបន្ទាប់ទៀត ដោយបច្ចុប្បន្នកំពុងតែរៀបចំបើកទីតាំងមួយទៀតនៅខេត្ត កំពត៕