បច្ចេកវិទ្យាសម្គាល់មុខ ជួយកំណត់អត្តសញ្ញាណអ្នកល្មើសចរាចរណ៍ក្នុងទីក្រុងមួយនៅចិន

2018-05-05 06:39:21
ចំនួនមតិ 0 | ចំនួនចែករំលែក 0

ចន្លោះមិនឃើញ

ទីក្រុងសិនចិនកំពុងប្រើបច្ចេកវិទ្យាសម្គាល់ផ្ទៃមុខដើម្បីកំណត់អត្តសញ្ញាណអ្នករំលោភច្បាប់ចរាចរណ៍និងផាកពិន័យធ្ងន់ធ្ងរ ខណៈទីក្រុងនេះកំពុងកសាងឆ្ពោះទៅរកគោលដៅក្នុងការក្លាយជាទីក្រុងឆ្លាត។

ឧបករណ៍ឃ្លាំមើលចំនួន ៤០ គ្រឿង ដែលដំឡើងភាគច្រើននៅចំណុចផ្លូវប្រសព្វ ជាមួយបរិមាណលំហូរចរាចរណ៍ខ្ពស់នោះ បានដំណើរការជាផ្លូវការកាលពីថ្ងៃអង្គារ ទី១ ឧសភា។

យោងតាមប៉ូលិសចរាចរណ៍របស់ក្រុងនេះបានឱ្យដឹងថា ប៉ូលិសអេឡិចត្រូនិចនេះ (បច្ចេកវិទ្យាសម្គាល់មុខ) នឹងយកចិត្តទុកដាក់ជាពិសេសលើមនុស្សនៅក្នុងឧស្សាហកម្មមួយចំនួន ជាក់ស្តែងគឺអ្នកដឹកភ្ញៀវទេសចរ និងអ្នកដែលត្រូវបានដកហូតបណ្ណបើកបរ។

ការរំលោភបំពានចំនួន ៤ ប្រភេទ ដូចជា ការបើករំលោភភ្លើងក្រហម ការខកខានសង្កេតមើលសញ្ញាចរាចរណ៍ យានយន្តខុសស្តង់ដារបើកបរលើផ្លូវ និង ការបើកបរដោយគ្មានបណ្ណ នឹងត្រូវត្រួតពិនិត្យយ៉ាងដិតដល់។

សរុបបទល្មើសចំនួន ៥៨ ករណី ទាក់ទងទៅនឹងការដើរឆ្លងថ្នល់ និង ៦៧ ករណីពាក់ព័ន្ធនឹងយានយន្តខុសស្តង់ដារនៅលើផ្លូវ ត្រូវបានគេរកឃើញនៅថ្ងៃដំបូង៕

ប្រភព ៖ rasmeinews.com