Klopp ៖ ខ្ញុំមិនទាន់គិតរឿង Real ទេ ខ្ញុំចង់ឈ្នះ Chelsea យប់នេះសិន
- 2018-05-06 07:13:00
- ចំនួនមតិ 0 | ចំនួនចែករំលែក 0
Klopp ៖ ខ្ញុំមិនទាន់គិតរឿង Real ទេ ខ្ញុំចង់ឈ្នះ Chelsea យប់នេះសិន
ចន្លោះមិនឃើញ
លោក Jurgen Klopp មិនទាន់គិតរឿងលេង Champions League វគ្គផ្ដាច់ព្រ័ត្រនៅឡើយទេ ដោយលោកអះអាងថាចង់ឱ្យកីឡាករគិតរឿងលេងជាមួយ Chelsea នៅយប់នេះសិន។
ការប្រកួតធំនៅរាត្រីនេះ Chelsea ត្រូវស្វាគមន៍ក្រុមភ្ញៀវ Liverpool នៅវេលាម៉ោង១០:៣០នាទី។ នេះជាប្រកួតសំខាន់មួយសម្រាប់ក្រុមទាំងពីរ បើទោះជាពានរង្វាន់បានទៅលើក្រុម Manchester City ហើយក៏ដោយ។ លោក Klopp អ្នកចាត់ការក្រុម Liverpool បាននិយាយមុនការប្រកួតថាលោកចង់ឈ្នះការប្រកួតនេះ ហើយក៏មិនមានទុកជើងអ្វីដែរ។ ការប្រកួត UCL ផ្ដាច់ព្រ័ត្រគឺពិតជាសំខាន់ ប៉ុន្តែការប្រកួតយប់នេះរឹតតែសំខាន់ថែមទៀត។
“យើងត្រូវគិតពីប្រកួតនៅសល់សិន ព្រោះថាយើងនៅមានពេលវែងឆ្ងាយទៀតសម្រាប់ត្រៀមជួប Real Madrid ។ ចប់ប្រកួត២នេះទៅ យើងនៅសល់ពេល១សប្ដាហ៍ដើម្បីត្រៀមខ្លួន។ ខ្ញុំអាចនិយាយបានថាការជួប Chelsea នៅរាត្រីនេះ ជាជាប្រកួតសំខាន់មួយក្នុងអាជីពរបស់ខ្ញុំ”។ សម្ដីលោក Klopp ។
ប៉ុន្មានប្រកួតចុងក្រោយរវាងក្រុមទាំងពីរ គឺភាគច្រើនស្មើគ្នាជានិច្ច តួយ៉ាងដូចជា២ប្រកួតកន្លងមក តែងតែបញ្ចប់ក្នុងលទ្ធផល ១-១។ ដូច្នេះហើយ ចាំមើលល្ងាចនេះវិញ ថាតើលទ្ធផលនឹងទៅជាយ៉ាងណា?