“Avengers: Infinity War” បំបែកកំណត់ត្រា Box Office ថ្មីមួយទៀតសប្ដាហ៍ទី២
- 2018-05-07 02:50:00
- ចំនួនមតិ 0 | ចំនួនចែករំលែក 0
“Avengers: Infinity War” បំបែកកំណត់ត្រា Box Office ថ្មីមួយទៀតសប្ដាហ៍ទី២
ចន្លោះមិនឃើញ
បន្ទាប់ពីបានក្លាយជាភាពយន្តរកចំណូលបាន១ប៊ីលានដុល្លារក្នុងរយៈពេលតែ ១១ថ្ងៃ ពេលនេះ "Infinity War” បំបែកកំណត់ត្រាថ្មីមួយទៀតហើយ ដោយរកចំណូលបាន ១១២,៥លានដុល្លារនៅសប្ដាហ៍បន្ទាប់ យកឈ្នះ "Black Panther” ដែលរកចំណូលបាន ១១១,៦លានដុល្លារនៅសប្ដាហ៍ទី២។
គិតត្រឹមពេលនេះ "Infinity War” រកចំណូលបាន ៤៥០,៨លានដុល្លារក្នុងរយៈពេលសប្ដាហ៍តែនៅក្នុងសហរដ្ឋអាមេរិក ព្រមទាំង ៦៤០,៥លានដុល្លារទូទាំងពិភពលោក ដូច្នេះហើយទើបចំណូលសរុបបានកើនរហូតដល់១ប៊ីលានដុល្លារ។
ចំពោះភាពយន្តថ្មីៗ ដែលជាប់ឈ្មោះក្នុង Box Office គឺមានដូចជារឿង "Overboard” សម្ដែងដោយ Anna Faris និង "Tully” សម្ដែងដោយ Charlize Theron។ ភាពយន្តទាំងនេះមិនសូវជាទទួលបានការគាំទ្រឬនិយាយពីវាខ្លាំង ដោយសារតែត្រូវបញ្ចេញសប្ដាហ៍ជាមួយរឿង "Avengers: Infinity Wars”។
បណ្ដាភាពយន្តរកចំណូលបានច្រើនជាងគេទាំង១០៖
១០. “Bad Samaritan” ប្រាក់ចំណូល ១,៨លានដុល្លារ
ចោរលួចពីររូប បានជួបជាមួយស្រ្ដីម្នាក់ដែលត្រូវគេចាប់ជំរិតនៅក្នុងផ្ទះដែលពួកគេកំពុងតែចង់លួចរបស់របរ។
៩. “Super Troopers 2” ប្រាក់ចំណូល ១,៨លានដុល្លារ
ជាភាពយន្តកំប្លែងនិយាយអំពីក្រុមប៉ូលិសដែលប្រចាំការនៅ តាមព្រំដែនប្រទេសកាណាដា និងសហរដ្ឋអាមេរិក ខណៈពួកគេមានគម្រោងផលិតប៉ុស្តិ៍ត្រួតពិនិត្យនៅតាមតំបន់នោះ។
៨. “Truth or Dare” ប្រាក់ចំណូល ១,៩លានដុល្លារ
ក្រុមសិស្សមួយក្រុមបានលេងល្បែង Truth or Dare ជាលក្ខណៈធម្មតាៗ ក៏ប៉ុន្តែស្រាប់តែមានរឿងចម្លែកមួយកើតឡើងដែលសម្លាប់អ្នកលេងទាំងនោះម្ដងមួយៗ។
៧. “Black Panther” ប្រាក់ចំណូល ៣,១លានដុល្លារ
ជាភាពយន្តថ្មីពីផលិតកម្ម Marvel បង្ហាញពីដំណើរសាច់រឿងរបស់ T'Challa ស្ដេចនៃរាជាណាចក្រអាថ៌កំបាំង Wakanda ដែលប្រកបទៅដោយបច្ចេកវិទ្យាទំនើបៗ និងត្រូវប្រឈមមុខនឹងការដណ្ដើមអំណាចនៃជនខាងក្រៅម្នាក់ ដែលកើតមកពីកំហុសរបស់ឪពុក T'Challa។
៦. “Tully” ប្រាក់ចំណូល ៣,២លានដុល្លារ
ម្ដាយមានកូនបីម្នាក់ សម្រេចចិត្តជួលអ្នកមើលកូន ដោយសារតែមានបញ្ហាលំបាកច្រើនពេកព្រោះខ្លួនមានតែម្នាក់ឯង។
៥. “Rampage” ប្រាក់ចំណូល ៤,៦លានដុល្លារ
នៅពេលដែលសត្វ៣ប្រភេទបានប៉ះពាល់ជាមួយសារជាតិគីមីមួយប្រភេទ បានធ្វើសត្វទាំងនោះក្លាយជាសត្វសាហាវ និងព្យាយាមបំផ្លាញទីក្រុង Chicago។
៤. “I Feel Pretty” ប្រាក់ចំណូល ៤,៩លានដុល្លារ
នារីម្នាក់ដែលធ្លាប់តែប្រឈមមុខនឹងការយល់ឃើញថាខ្លួនមានសម្រស់មិនស្អាត តែប្រែជាយល់ថាខ្លួនស្អាតទៅវិញទាំងមិនមែនការផ្លាស់ប្ដូរអ្វីទាំងអស់។ អីចឹងតើជីវិតរបស់នាងនឹងទៅជាយ៉ាងណាទៅ?
៣. “A Quiet Place” ប្រាក់ចំណូល ៧,៦លានដុល្លារ
គ្រួសារមួយតម្រូវឲ្យរស់នៅដោយស្ងៀមស្ងាត់ ដោយសារតែមានសត្វចម្លែកម្យ៉ាងតាមសម្លាប់មនុស្សតាមរយៈសំឡេង។
២. “Overboard” ប្រាក់ចំណូល ១៤,៨លានដុល្លារ
បុរសមានទ្រព្យសម្បត្តិម្នាក់ បានបាត់បង់ការចងចាំដោយសារគ្រោះថ្នាក់ជាយថាហេតុមួយ ហើយត្រូវមកធ្វើការដូចជាជនក្រីក្រ។
១. “Avengers: Infinity War” ប្រាក់ចំណូល ១១២,៥លានដុល្លារ
ក្រុម Super Hero នៅផែនដីទាំងអស់ត្រូវរួមដៃគ្នា ដើម្បីយកឈ្នះ Alien ម្នាក់ឈ្មោះ Thanos ដែលមានបំណងអាក្រក់មកលើជីវិតនៅ ទូទាំងសកលលោក។
បណ្ដា Trailer ភាពយន្តចំណូលថ្មី៖