JBL ចាប់ដៃ Google បង្កើតឧបករណ៍បំពងសំឡេងឆ្លាតវៃសម្រាប់ទូរទស្សន៍ (មានវីដេអូ)

2018-05-08 09:47:37
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមហ៊ុនផលិតឧបករណ៍បំពងសំឡេង និងកាសដ៏ពេញនិយម JBL បានចាប់ដៃសហការជាមួយក្រុមហ៊ុន Google ដើម្បីផលិតឧបករណ៍បំពងសំឡេងឆ្លាតវៃសម្រាប់ទូរទស្សន៍ Android ដែលមានឈ្មោះថា JBL Link Bar។ ឧបករណ៍បំពងសំឡេងនេះ អាចប្រើប្រាស់បច្ចេកវិទ្យា AI របស់ Google គឺ Google Assistant ដែលអាចបញ្ជាទូរទស្សន៍ឆ្លាតវៃដើរដោយ Android ដោយប្រើប្រាស់សំឡេងបញ្ជាតែម្ដង។

នេះជាផលិតផលដំបូងរបស់ Google ដែលជាប្រភេទកូនកាត់ រវាងឧបករណ៍បំពងសំឡេងធម្មតា និងឧបករណ៍សម្រាប់បញ្ជាទូរទស្សន៍ ដែលវាអាចនឹងបង្ហាញខ្លួននាព្រឹត្តិការណ៍ Google I/O នាយប់នេះ។ វាក៏ជាឧបករណ៍ប្រភេទ Sound Bar ដំបូងដែលនឹងផ្ដល់ជូននូវការប្រើប្រាស់ Google Assistant និងបទពិសោធន៍នៃការប្រើប្រាស់ Android TV បានពេញលេញផងដែរ។

JBL Link Bar មិនត្រឹមតែប្រើ Google Assistant ដោយត្រឹមតែក្នុង Youtube Content និងប៉ុស្តិ៍ទូរទស្សន៍ប៉ុណ្ណោះទេ តែក៏អាចបញ្ជាឧបករណ៍បំពងសំឡេងឲ្យចាក់តន្ត្រីខ្លួនឯងចេញពី Platfrom ផ្សេង ដោយបិទទូរទស្សន៍ចោលក៏បានដែរ។

Google បានបញ្ជាក់ដែរថា វានឹងប្រើប្រាស់រន្ធ HDMI អាចប្រើសំឡេងដើម្បីបញ្ជាឲ្យទូរទស្សន៍ភ្ជាប់ទៅឧបករណ៍ផ្សេងៗបានយ៉ាងងាយ ដូចជា ម៉ាស៊ីនលេងហ្គេម ឬ ម៉ាស៊ីនចាក់ DVD ជាដើម។ ចំពោះតម្លៃក្រុមហ៊ុនមិនទាន់បានបញ្ចេញជាសាធារណៈនៅឡើយទេ តែក្រុមហ៊ុន JBL បង្ហើបនឹងចេញលក់ជាផ្លូវការនារដូវស្លឹកឈើជ្រុះខាងមុខ៕

ចុចអាន៖

ប្រភព៖ theverge ប្រែសម្រួល៖ ផាត សុវត្ថិ