«មិនព្រាត់» មួយបទនេះមានអ្នកនៅពីក្រោយគាំទ្រការផលិតមិនចេះតិច

2018-05-10 03:37:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ចម្រៀងថ្មីនេះជាស្នាដៃនិពន្ធទំនុកដោយអ្នកនិពន្ធរឿងនេះផ្ទាល់គឺអ្នកស្រីម៉ី សន សុធារី ហើយអ្នកបង្កើតជាសាច់ភ្លេងជាតន្រ្តីករដ៏ទេពកោសល្យ លោក កង ពិសិដ្ឋ និងច្រៀងដោយ តារាចម្រៀង សាយ និង ខាំ ជេន ដែលជាតួសំខាន់ក្នុងរឿង «បាតដៃខ្មៅ»។

«មិនព្រាត់» ជាចម្រៀងដែលបង្ហាញពីមិត្តភាពនិងការដែលក្រុមតន្រ្តីក្មេងវ័យមួយក្រុមបង្កើតឡើង និងមនោសញ្ចេតនាជ្រាលជ្រៅ។ បទនេះ ត្រូវបាន លោក កង ពិសិដ្ឋ រៀបចំសាច់ភ្លេងដោយយកចិត្តទុកដាក់ និងដោយក្តីស្រលាញ់ ដោយសារជាស្នាដៃរួមបញ្ចូលគ្នាជាមួយអ្នកមានទេពកោសល្យ។ លើសពីនោះទៀត លោក កង ពិសិដ្ឋ ក៏លើកសរសើរដល់ Sai និង ជេន ដែលមានទេពកោសល្យ ទោះជានៅក្មេង ក៏អាចធ្វើបាននូវសម្មិត្តផលជាច្រើន។

តាមការបញ្ចាក់របស់ តារាចម្រៀង កង ពិសិដ្ឋ ឱ្យដឹងដែរថា បទនេះជាត្រូវបានផលិតឡើងក្នុងរយៈពេលដ៏ខ្លីមួយប្រហែលជាងមួយអាទិត្យព្រោះមានការចូលរួមពីគ្រប់អ្នកពាក់ព័ន្ធក្នុងរឿង «បាតដៃខ្មៅ»។ លោកកង ពិសិដ្ឋ ក៏សង្ឃឹមថាប្រិយមិត្តនឹងពេញចិត្តជួយគាំទ្រ ហើយអាចត្រៀមខ្លួនទៅទស្សនាភាពយន្តខ្នាតធំនេះនៅក្នុងរោងភាពយន្តក្នុងពេលឆាប់ៗខាងមុននេះ៕

កុំភ្លេចទស្សនាវីដេអូ lyric បទ «មិតព្រាត់» ខាងក្រោមនេះ៖

អត្ថបទ៖ Sunny